呢間"小甜谷糖水舖"係影星谷祖琳開架，其實係一月農曆年前，太陽哥哥同我係維園行完花市後就帶左我黎試，不過到今日先同大家分享返！
當時已經夜晚接近十一點，但有好多客人呀！呢區係住宅，周圍環境好陰暗清靜，但一轉入呢條街，突然有個燈火通明既小地方咁！
我實會影相架啦，我一舉機，門口的男人用手遮住自己個頭(見相)，我仲以為個客人埋緊單唔上被攝入鏡(因為佢手上拎住ｄ錢)；點知佢唔係客黎架，太陽哥哥話佢好似係谷祖琳既男朋友，我見佢數完一叠錢就楂私家車走人啦，身旁仲有位男性朋友；我心諗：咁串，您唔係以為自己係明星呀？我鬼認得您咩，女朋友係舖頭賺錢，您拎完ｄ錢都唔知係咪同fd去wet，咁都有！
我身後玻璃窗入面粉紅色衫個影，就係谷祖琳啦，我成日係個窗度"裝"佢，哈哈！太陽哥哥講我先知，原來佢本身煮甜品好得架，真係有料先開舖頭，同埋一手一腳親身研究，唔似其他明星，咩都唔識就學人開舖頭賺錢，咁又真係幾叻女喎！
除左"裝"佢，我仲成日吼玻璃窗上既蒸氣一消失就偷影佢，哈哈！
呢度賣點係所有既牛奶，全部都係從北海道新鮮空運到港架，鎮店之寶係北海道特濃牛乳燉蛋白，必試之選，真係好滑下架！
牛乳燉蛋白〔$23〕
腐竹白果薏米糖水〔$16〕
餐牌：
店裡的店員都印有舖頭名既衛衣：
小甜谷咭片，呢度都算近維園，但因為都係ｄ大街小巷入面，都有ｄ難搵架！
沒有留言:
張貼留言