今日去返星期五的地方，將一切疑問問清楚晒，得到的回應，雖然唔係十全十美，亦有ｄ野真係無得配合，但比預期的擔心，的確少了好多、好多，宜家唯一擔心係到最後，會忍唔住花更多去換取配合唔到既野啫！
點都好，成個人好似鬆晒、放開左咁！跟住仲好開心咁同太陽哥哥去行花園街、花墟，睇下有咩道具岩用，仲好自在咁食飯睇戲添！呢期想睇親密同乜都得先生架，不過好姊妹elsa尋晚睇完後者勁sell，我就即刻"吞"佢上第一位啦，哈哈！
通往嘉禾旺角的長長電梯：
我扮大陸匿呀，仲特登露襪添，哈哈！
咁睇張海報真係唔覺得個男似占基利呀！
女主角幾靚女，加上識楂綿羊仔，即刻加多佢幾分啦！
占基利個上司低Ｂ無聊，但又好攪笑！
男主角都好多笑料，不過占一向演喜劇有一手，好多幕都好深刻，聽ＹＥＳ講座、學韓文、彈結他救人、比隔離個呀婆鄰居污辱、尾段楂電單車、露股．．．
呢套戲都有意義帶出，笑聲背後，可令大家反思下YESMAN究竟係好定唔好？無可否認，做YESMAN比人第一個印象當然係好，咩都應承您喎；日常生活中，有ｄ人為左奉承其他人，都會做YESMAN；雖然睇在眼裡很唔順眼，但如果做NOMAN，對咩都SAY NO，又唔合群，可能亦唔係好事．．．
沒有留言:
張貼留言