生日前夕仍然要返工，甚至PT，不過返完就可以放假，心情總算輕鬆！其實上個月計劃左呢個星期放假去旅行架，因為太陽哥哥又想帶返我過一個海外生日，好似上年我比佢一個難忘海外生日咁，仲順便過埋海外情人節添！可惜後來有ｄ事不能成行，雖然有ｄ失落，但都冇辦法啦，當儲返ｄ錢都好既！
呢排我地真係忙到不得了，每年的二月我總會特別興奮，今年的興奮反而冇咁大了，對生日亦冇咩期望，可能focus左係另一方面度啦，所以生日，只要開開心心簡簡單單已經足夠，我仲叮囑太陽哥哥唔好再買花了，我又冇閒情去照顧ｄ花，唔想次次收左放係餐檯度，跟住等佢謝左就丟，冇咩意思，加上我又成日唔係屋企！又可能呢個已係佢同我一齊的第三個生日啦，第一年迪士尼，第二年北海道，已經夠難忘了，今年我地應該儲多ｄ錢係另一方面呀！其次，可能呢個係我踏入三十歲的生日，唔係幾想面對，所以唔想生日到呢，哈哈！
點知．．．冇期望下驚喜係會越大既，返完PT好攰了，沖完涼出黎都過左十二點，但原來有得切蛋糕！好在唔係成個cake，唔係都唔知開心定係煩點食晒去好！睇下我個眼袋，當時我真係好攰好攰好眼訓架！
更驚喜係．．．．．．
嘩！！！成世女都未收過咁大粒鑽石呀！！！
原本就快恰埋既雙眼，只想快快食埋蛋糕跟住吹頭訓覺；但見到咁大粒鑽石，雙眼即時發晒光啦，哈哈！我超勁爆鐘意呀～～～
呢張係原本太陽哥哥整比我既生日咭(電腦影出來的)，但printer壞了印唔到，佢就買了張forever friends給我頂住先；佢竟然買街咭，真係好出奇，我估佢冇辦法先咁，堅呢張．．．唯有等後補啦！不過佢知我近來睇得馬仔漫畫多，鐘意簡單線條同蠟筆畫，作了個新嘗試，我好欣賞呢！
生日前夕收穫大合照：
另外，尋日收到班長寄來的生日咭，還附上agnes b coupon，亦是感人之作，一定要記低留念！已經請左我食飯睇戲，仲又咭又禮物．．．班長：您叫我點好意思？
沒有留言:
張貼留言