今日太陽哥哥唔洗楂車，終於有日一齊放假啦，我地就去左婚紗展！見到太陽哥哥係度買緊飛嗎？佢係四號counter呀！
跟住入得場啦！今日行左好耐，返出黎時已天黑了！餓死我，我見到人地食炸雞脾流晒口水呢！
之後衝返屋企，食太陽媽媽拿手的辣椒雞，我最鍾意食佢呢味餸架，好夠辣呀，我仲會飲埋ｄ湯，食到噴火架！
好啦，係時候講返尋日我預備左咩送比太陽哥哥啦！先係情人節咭，我對簡單線條公仔情有獨鍾，加上咭外的this much同咭內的this much好有意思，我一睇就覺得好得意，代表住我深深的愛麻，哈哈！前幾天太陽哥哥整比我的生日咭，又係類似呢ｄ公仔，但呢張咭我已買左好幾日，證明佢都幾了解我，知道我鍾意咩style既野！
本身諗住就係寫咭算架啦，點知尋日早上，係太陽哥哥楂緊車時，我同媽咪落街食lunch，諗諗下覺得，淨係送張咭好似唔夠貼心，好似預備多樣野好ｄ喎，咁預備咩好呢？諗過買個心型盒裝ｄ野入去，但屋邨文具舖產品有限，令我好想有間citysuper出現，唉．．．
猶豫之際，十五十六唔知點好，忽發奇想，既然買唔到心型盒，就自己整個心囉！用咩整呢？呀！就用太陽哥哥平時最鐘意食的兩個平價朱古力啦！係超市買左兩包麥提莎同一支大三角朱古力，我腦海當時浮現出一支心型花花啦．．．跟住再去文具舖買左靚靚既環保布質紙！大家估唔估以下既物資，點聯想到心型花花呢？
就係咁喇！其實似丫叉多ｄ，哈哈！但我會包漲佢，令佢看似心型！不過大家要有心理準備，我既方法係好唔環保架，但因為冇時間，屋企又資源有限，請原諒我呀！
先攪朱古力身體部份，唔想一摸就比太陽哥哥摸得出係朱古力，所以我要用廁紙包漲個身，拎住卷廁紙係咁卷係咁卷．．．
包極都唔夠立體，就攝左兩包 tempo係麥提莎度，估我唔到吧，哈哈！
跟住再用保鮮紙定型，同埋將兩舊野黐埋一齊；中間隙縫太多，亦要放廁紙攝住；呢個步驟好重要，似唔似心型靠點包保鮮紙啦！
雛型出晒黎啦，我就好滿意喇！三角朱古力部份唔需要聯合，所以只用A4紙包一包就攪掂；跟住就要將花的上下身連埋一齊喇．．．
搵唔到透明的封箱膠紙，屋企真係咩都無．．．唯有肉酸ｄ啦，總算做到想要既效果丫！
去到尾聲啦，原以為唔難，因為前面的工序都尚可；但呢部份係最難整架，難到我仲差ｄ想放棄呢！因為我諗住high classｄ，買左好似平時環保袋質地既紙，但佢係黐唔到膠紙架！同埋用得呢ｄ環保紙，膠紙一定唔可以外露，咁點包呀？Ｒ晒頭，試包左好多好多次．．．最後用雙面膠紙勉強包好，ｄ彎位真係包到我炆呀，又想佢似心型，但想包到唔多痕，係好難呢！
心型攪得掂，花的棒棒部位難唔到我啦！
大功告成！我覺得是次製作係小學生level，全部物資都係屋企搵到既，好似搵到咩就放咩上去咁，有ｄ都幾離譜，哈哈！但都有它的可取之處既，就係低Ｂ得黎，有背後既辛酸又攪笑的製作過程麻，呢個回憶對情人節黎講都好有意義架！
沒有留言:
張貼留言