今日幾驚喜，同事送了生日蛋糕比我，二月之星仲有betty，所以有兩個壽星女呢！上月去日本太陽哥哥同我預祝生日，送了今年第一個生日蛋糕比我；距離正日生日尚早，已經收到今年第二個生日蛋糕啦，好開心呀！
不過佢地呃我話係舊老闆正日生日想買蛋糕，我亦戇居居冇為意，可能距離我生日仲尚早啦；故著左件好唔靚的斑馬衫，又冇執下ｄ頭髮，影相唔靚呢，所以好唔開心呀．．．最攪笑我仲負責拍短片，佢地一捧蛋糕入黎我係咁影住舊老闆，點知．．．真係老貓燒鬚，平時咁醒都比人厄到添！
夜晚係太陽哥哥屋企做節，我地去左屋企樓下酒樓食，今次食得幾豪呢，有蝦有翅有雞有石斑！一如以往，太陽哥哥的哥哥成日問我點解咩都笑一餐，而太陽媽媽就講：笑咪好囉，唔通成日苦瓜乾咩！呢句說話陽媽媽第二次講啦，我諗佢地不知幾鐘意我笑呢！哈哈~~ 我仲同佢地講，我細妹笑得仲勁，仲開心過我好多架，有機會見識下！哈哈~~
沒有留言:
張貼留言