今日跟太陽媽媽去左西貢佢老闆個豪宅度拜年，呢度好大好靚，真係令我大開眼界！
頂樓天台起左玻璃天花板，唔怕日曬雨淋，仲有個小型酒吧，好型呀！呢度景色好靚，亦望到樓下的游泳池！
主人房全係落地玻璃，最吸引當然係個按摩池啦，仲要對住個一望無際既景．．．嘩，人生一大享受！
呢兩間係個囡囡同囝囝既房間，我好鐘意囡囡個間呀，有如公主一樣！
樓下係廚房、大廳、花園同泳池！個廳大到丫．．．用太陽哥哥個身作比較就知！
花園咁靚個view，我地影左好多相呀！
仲有咁大棵桃花樹，當然要影多幾張，等黎緊呢年旺下桃花都好麻！
我地十一點就黎到，大人要打麻雀，咁我地成日流流長點過呢？其實原本同太陽哥哥諗住借睇戲做藉口，逗完利是下晏就閃架，但太陽媽媽同佢位好freind既同事（紅衫個位）叫我地留低玩啦，唱K呀咁，亦feel到太陽媽媽都想我地低，我咪話無所謂囉，佢地聽到梗開心，太陽媽媽仲即刻同佢同事講，話我好順得人架！嘻嘻~~
我地先係大廳睇"生化危機3"，睇完就上去娛樂室唱K，一入去．．．呆左．．．大之餘，無諗過真係好似出面卡拉OK咁唱Ｋ！有足晒點歌機設備．．．
呢首飛輪海既男女合唱歌，由一個媽媽同囝囝合唱？？個媽媽好型呀！未見過咁in既媽媽，勁！
大家都排住隊同太陽媽媽逗利是呢！
晚飯咁Q個BBQ爐開唔著，唔知係咪太凍的關係，改由兩個工人用焗爐燒比我地食；我覺得仲好呀，因為真係好凍，我都唔想坐係花園度呀！嘻嘻~~
食完飯後大人繼續打麻雀，大概晚上一點先走，真係黎玩足成日呢！
沒有留言:
張貼留言