今日多得yammy，令我地只需付出$250就睇到 "郭富城舞林正傳演唱會延續篇2008" 既$480飛，真係超級筍呀！仲要麻煩佢放工係紅磡等我同erica交收．．．之餘，又陪我地搭車兼帶我去個穿梭巴士站，去到又陪我係麥記買野食(好長龍)，再陪我一齊等車等到太陽哥哥黎為止；嘩，咁既朋友係邊度搵？嘻嘻~~ 係度亦要多謝yammy媽咪特登去幫我地拎飛！錫晒您兩個！嘻嘻~~
有免費穿梭巴士呢個服務真係好，唔係入asiaworld expo都好貴；我地揀左係金鐘海富中心上車，touchwood上唔到都可經香港站搭地鐵去麻；雖然七點係尾班車，好在所有人都趕到！
第一次黎，入場前影返張先！
我地坐block 6, row k, seat 6-10，比睇floorplan近好多，個台亦好大呢！不過呢度細過紅館好多咁！
免費派發的有bon bon棒，仲有發光的．．．唔知叫乜，係由一束光纖鬚組成既發光物體啦，個個人都將ｄ鬚向外屈開去，變左一棵棵好靚既樹仔咁！
舞台前留影，太陽哥哥扮得好似呀！咁多人面前都唔怕羞，頒個勇字比您！！！
開場啦~~ 體住操唱歌，體操已經辛苦，仲要一路體一路唱歌喎，而Aaron ｄ動作亦唔輕易，走黎走去，爬黎爬去，fing黎fing去．．．仲凌空企係架頂，睇到心驚膽怯；最重要係佢做出咁多項體力大既動作，唱既歌一個音都冇走，仲要係有晒尾音同震音，個個音亦好實同咬字清楚，勁！令我重新對佢既唱功另眼相看，因為一向係我心目中，佢唱歌只係一般架咋！嘻嘻~~
電單車型look出場~~
握手時間，可惜冇我份！
之前紅館個次演唱會口碑咁好，大家應該聽講過有個"超越360度旋轉舞台"啦，我冇睇過報導，亦唔知咩樣，只知好大舊野；今日親眼見到，即時反應只係．．．呆左，同"嘩．．．"！
"打開門，同大家 say 個 hi 先！" Aaron，小心呀！
"嘩，呢度好高喎！大聲ｄ，我聽唔到呀！"
"好攰呀，坐低抖下先！Hello，各位您地好呀！"
真係超型．．．超浪漫．．．我都想上去一齊坐！
個台開始訓低．．．嘩，小心跌落黎呀！！
嘩，小心跣低呀，一步一步驚心！！
呢part真係超勁超型，大家都拍爛晒手掌！之後旋轉舞台仲有機關，識打開架！
Aaron話今晚係元宵佳節，要浪漫ｄ，大家一齊發光啦，好靚好靚呀！大家記得睇埋movie尾段，個麻甩佬都可以咁投入，城城魅力真係唔可以低估！哈哈！
Aaron每次開演唱會都會學一種樂器，今次係鋼琴！我記得以前有試過打鼓同saxophone架！可惜佢個鋼琴彈左幾下就有問題，有個音壞左冇聲，Aaron就用左band個邊個琴，遠左ｄ，我冇影低呀！
Aaron出道以來的回顧~~
演唱會尾段仲有項"水花舞林"既壓軸環節，前面觀眾著晒雨褸ready啦！
我地個邊只係玩左五秒唔夠，失望．．．
演唱會係十一點多ｄ完結，梗係坐返免費穿梭巴士返屋企啦！
沒有留言:
張貼留言