2008-02-28 (Thu) Juno少女孕記

太陽哥哥同事早前買左飛，點知有事去唔到，剛巧係我想睇的"Juno少女孕記"，就賣左比我地喇，仲平左二十蚊添！

我地先去好耐都冇去過既泰妃雞食飯，海南雞飯真係好正，食極都唔厭；但呢度真係迫左ｄ，冇位放野，男又好女又好，點都有個bag或者公事包架麻，要捧住食都幾麻煩，天氣再凍ｄ著晒大褸羽絨黎，除左都唔知放係邊先食到飯！

食完出黎，見到亞視林韋辰係旺角大街度拍緊戲，夥拍一個我唔識既女人，我地就湊左陣熱鬧！

跟住去睇戲，可能我抱住勁大期望諗住會由頭笑到落尾，原來又未至於咁好笑，中間都有ｄ靜態位；但嚴格黎講，都係一套唔錯既戲，好多笑料！

最深刻當女主角知道準備領養佢ＢＢ個對模範夫婦將要離婚，佢好唔開心，好質疑咩叫真愛？就問爸爸：兩個人係咪冇可能一生一世都能開心生活？佢爸爸話：我既history都比唔到好example您，但可以好肯定咁講，呢十年同您繼母都過得好開心；與其咁諗，應該搵一個鍾意原本既您既一個人，無論您既優點，決點，所有野．．．

我地成日會因為愛侶做左ｄ唔係您期望既野而變得唔開心，心中唔滿意佢咁咁咁，想佢做到您心目中的點點點；咁其實，您係鐘意佢個人？定係想佢變成您心中所希望既人呢？呢part真係發人深省．．．但兩個唔同性格既人走埋一齊，確實有ｄ野係需要協調同遷就，不過改善同改變，往往都係一線之差，真係一門學問！

大家睇下trailer啦：

"i need to know is it possible that 2 people can stay happily ever and ever ......"

"the best thing u can do is find a person who loves you .... for exactly what you are ....... "