今日琪琪黎左太陽哥哥屋企度拜年，其實上年開始，太陽媽媽都好好咁比埋我兩個細佬妹ｄ利是我交比佢地，當時攪到我幾唔好意思；呢一年，大家又熟左咁多，又食過下飯，打過下麻雀，琪琪當然要親自拜訪啦！
夜晚帶左佢去試打生昌潮州打冷，叫左琪琪好鐘意食既生魚，佢都覺得好好味，係坐出面凍左ｄ囉，但食埋潮州糖水後，我地個個都覺得好暖！
.gif)
.gif)
跟住我就同琪琪返青衣，太陽哥哥就叫我唔好走，因為十二點就係我生日啦！但冇理由要細妹自己走麻，況且我地係日本時已經預祝左(http://hk.myblog.yahoo.com/aquarius-givens/article?mid=4816)，聽日放工亦會去慶祝．．．返到屋企後，接近十二點時，有人敲門？原來係太陽哥哥，佢拎住紮花同蛋糕黎祝我生日快樂呀！
原來佢同琪琪夾好左，琪琪同佢講威哥整左蛋糕比我，叫佢唔好買，咁佢就買左starbucks cake黎．．．係我最鐘意的鬱金香同包花的紮法．．．仲有張小生日咭，嘩，日本有張大，宜家仲有張細，大細都有，好開心！知唔知我地著住咩？咪北海道滑雪時既造型囉！好鍾意呀！
但我同細妹走時都九點幾，太陽哥哥紮花係幾時買既呢？見佢身水身汗，當然要迫供，佢話我同細妹一走後，佢就即刻上網睇，點知可能今日仲係初五，好多花舖都未開，最後睇到網上有間係銅鑼灣，咁就拿拿林過去買；跟住再去旺角starbucks，因為之前係度訂左蛋糕．．．兩個幾鐘做左咁多野，真係勁呀！但咁辛苦先買到紮花，我就問佢咁難先搵到，紮花咪好貴，要唔要．．．五百蚊？點知佢口窒窒話．．．唔止呀．．．下．．．我咪迫佢講囉，原來要八百大元！好唔抵呀，我梗係好肉赤啦，我知近情人節，但都唔洗呀，又唔係好大紮個ｄ，八百蚊買實際野或者食到餐洲際buffet啦，又可能間野知佢咁夜咁急咪厄佢錢．．．但佢話想做足ｄ想我開心ｄ麻，我聽到咁，心都軟返啦，就教佢，下次想做足，買一支就得架啦！
跟住影相時間，琪琪幫我同太陽哥哥影左好多合照！真係超勁開心！
我地仲玩扮驚喜，哈哈！
威哥親手做的蛋糕，賣相大家係咪覺得．．．正常，因為當時我都咁諗！哈哈！但勇敢食落去．．．又好好味喎，完全估佢唔到！琪琪仲搶食搶到叉到插斷埋添！嗱，咁證明真係好好食啦！笑死我地呀！
其實講真，個份心意真係好令人感動架，威哥亦係第一個親手整蛋糕比我既男仔呢！我真係好開心同感謝佢，我個細佬真係好有心呀！
仲有太陽哥哥買的cake！
琪琪就禮物後補，不過唔緊要啦，佢成日同太陽哥哥夾計氹我，都出心出力呢！係個人攪笑得滯，同講野大聲左少少啦，比我聽到ｄ．．．嘻嘻，但大家開心就得啦！
媽咪訓著左，我地冇特登叫佢出黎，咁鬼凍！係度多謝太陽哥哥、琪琪同威哥！I LOVE YOU ALL！
沒有留言:
張貼留言