今日舊同事monique返中大探我地，因為佢下個月1/3會係中大chapel行禮，返黎派invitation card比我地到時去觀禮呀！知道佢結婚好戥佢開心，之前佢係中大一fresh grad.就入左黎我地office做，後來轉工後都冇見過啦，但我記得佢準未婚夫係讀書時開始拍拖架啦，咁多年終於拉埋天窗行去人生另一階段，真係可喜可賀！恭喜恭喜！
手上楂住既就係佢張invitation card，佢好型架，舊年係特登成隊crew飛去日本輕井澤影結婚相架，係我身邊首位咁型的朋友！我諗係台灣影結婚相呢個idea已開始fade out，加上成日被人投訴，攪到ｄ準新人都冇晒信心！日本影結婚相我當時係第一次聽講，所以覺得好型，但宜家都開始見到有好多呢項服務 lu，所以呢，要新鮮感都真係會諗爆頭！
放工後返到屋企一打開門．．．嘩！兩個人食飯都咁型？？媽咪話要學大家樂一哥火煱咁，用個煲仔同我撐檯腳食火煱！其實今日下晏開始，我係公司都好唔舒服，好暈好攰好凍，冇咩胃口；但見媽咪咁開心咁多準備，我梗係要頂硬上，唔想晒左佢一番心意麻！
雖然係煲仔火煱，但一ｄ都唔求其，有肥牛同雞外，仲有帶子同飽片，好high class架！個煲好細，等佢滾都幾耐．．．哈哈！睇ｄ冬菇幾大粒！！
雖然我唔係咁舒服，但呢餐我食得好開心，感受到媽咪好錫我，佢成晚亦流露住開心同滿足咁既笑容，令我想努力ｄ對佢好，希望佢能日日都咁開心快樂！
飯後我就好快咁沖涼然後上床訓覺，我著住件厚棉襖再冚兩張被，訓左半個鐘後手腳仲係凍，個身亦覺得好凍咁係度發冷．．．媽咪即刻沖左杯感冒熱飲比我，雖然苦苦地，但因為係熱飲，飲落好暖好舒服，飲完我就再訓過．．．印象好好多，唔知幾時我仲識熱醒除左件棉襖再訓呢！多謝媽咪的照顧，很貼心，好溫暖！
沒有留言:
張貼留言