二月之星咪係我囉，由於ben係新年期間返左大陸，我又想等埋佢，所以碌齡朋友一早約好左係今日同我食飯慶祝 + 碌齡大賽！
下午先同太陽哥哥去megabox睇野，係九龍灣用左細妹送既$50 cash coupon食左杯好大好正既雪糕！
新年雖過左，但正月未過麻，megabox正門既佈置仲未拆，公仔好大個好得意呢！
之後趕去長沙灣小金象食我最鐘意既泰國野，晚飯飯局有十一位朋友，我地叫左九個菜；琪琪仲帶了新朋友karen二號一齊參與呢！一去到，非洲就即刻派利是，好豪爽，每人兩封，唔識佢老婆都派兩封，連琪琪朋友都有份，真係好意外！更更意外係佢比四封我添，話補返上年喎！嘩，真係好有心好識做！而健同佢太太都有黎，我唔知佢太太會到的，同佢唔太熟，佢都黎我都覺得好有心！健亦派了利是呢！
不過失望係漢同伉儷黎唔到食飯．．．但有漢既相陪我地一齊食！呢張相．．．唔洗我多講啦，大家意會到，就係呢張相，係呢餐飯局度比左好多笑話同笑聲我地！哈哈！
休同cw係全場對我生日最有心的朋友，因為買左份禮物比我！碌齡呢班朋友，其實有時因為夾錢請食飯或買禮物等都幾有意見，冇計啦，人多掛．．．但係休同cw肯"暗"荷包買野送比我，而聽cw講買既過程當中，我覺得有心得黎又唔求其，係真係想收到既人開心同make sure我未有；呢份心意，收到時當然特別溫暖啦！Thanks you both！
係一盞日本空運到港的chip n dale燈！
飯後第二part就係切蛋糕環節，今次係由baby sister負責買既，雖然我一向唔太愛食cake，但由親細妹親手買喎，未食已甜入心啦！
同各人合照先！
最後黎張大合照，多謝晒！
之後出發去齡場，進行第三part慶祝環節 - 碌齡大賽，禮物全係日本空運到港架：冠亞季獎牌 + 隊際禮物！琪琪再有兩位朋友一齊黎玩，分別係karen二號男友stanley同yami！
大家見到個冠亞季獎牌，非常鐘意，愛不釋手，不惜一切去施展渾身解數；最後由被我地一家三口旺住既隊伍勝出左隊際比賽！YEAH YEAH YEAH！當中ben拎到個人亞季，我同休就同分，拎到雙季軍！其實呢場比賽我真係好努力去碌架，因為呢個獎牌我一見到就好鍾意！點知休係咁追，貼到實一實，成舖經常性地一係同佢同分 or 一係同佢差一兩分咁，而係最後一round都係被佢追到同分，真係好緊湊！
輸隊分數又真係麻麻，連琪琪都過百啦，咁有經驗既隊員都竟然咁多人唔過百．．．不過hing得到全場冠軍，金牌由佢奪得，大家都睇到眼紅紅！alex亦好勁，佢最後三round好刺激，無拿拿double x + 補中，嘩，好在佢最後一球失準得一支，唔係．．．季軍就冇我同休份lu！雖然衰ｄ，但係度真係要講句thanks god！
由二月之星頒獎，雙季軍~~
亞季~~ 其實如果唔係hing臨尾有個double x，ben好大機會拎冠軍架！我一路都好支持ben，因為全場得佢一個應承如果佢拎到，佢唔介意送個獎牌比我架，所以ben贏就等於我贏架！其實ben真係對朋友好好，我敢講全場除ben外，冇人會肯讓個獎比第二個人囉！
冠軍敵人~~ 哼！
冠亞季合照~~
ben送了獎牌比我，我由季軍變成亞季，嘻嘻，唔少得當然要同生命最重要既親人合照啦；亦因為咁，唔洗同休爭個銅牌，而佢就可能將銅牌送比女友cw了！
休仲大聲多謝女友呢！
細妹無意下將相機移向我同太陽哥哥呢邊，對鏡頭觸覺一向敏銳既我們，即刻擺出攪笑甫士，出黎效果相當有趣，雙腳好細但個頭變得好大個呀！好似係photoshop加左effect咁，但係一張如假包換無做過手腳既相黎架！
頭可以變大，咁我想變大既地方咪又可以．．．變大？？靈機一動，即刻擺個咁既甫士試下先！嘩．．．心裡即刻開心到飛上天啦！但係咁多人面前，梗係要講： "唓，都唔得既，我一向咁大架啦！" 嘻嘻~~ 係咪好勁呢？
想學我？好似無咩料到喎．．．？！本身要有返咁上下份量先學到架！
今日難得咁齊人，影張大合照先！
今日真係超勁爆開心呀，連太陽哥哥都話我今日仲乜鬼咁雀躍，呢排真係好多野煩，希望日日都咁開心就好啦！
沒有留言:
張貼留言