又有台灣木瓜牛乳飲啦，同事sherry去台灣旅行，當知道身邊有朋友去台灣旅行，叫他們幫手買台灣木瓜牛乳已成一個慣性動作，因為太陽哥哥鐘意飲麻！邊位朋友幫到我買，記得隨時通知我，我多多都收購架！
今日放工後同太陽哥哥去佐敦傾野，傾完都成十點，餓死我了！即刻走去譚仔記米線醫肚，竟然撞到休同健，真係好Q！我地仲特登坐係佢地隔離檯，一路食下又一路擰住面同佢地傾計，幾開心，食到由兩張檯變到一張檯一齊坐，後來佢地要接女友老婆走先，有ｄ唔捨得添，因為傾到好盡興麻！
之後我地繼續努力，行去尖沙咀，又行返去佐敦油麻地，最後想搭車走，油麻地又冇站，攪到又要行返去佐敦，十二點黎緊啦．．．來來回回彌敦道咁多次，我真係好攰好攰了！
沒有留言:
張貼留言