今日太陽哥哥約左emily係銅鑼灣拎日本手信，emily係邊個？佢係大概十二年前太陽哥哥當時女朋友的細妹．．．無錯，係十二年前啦！佢地感情好好，一路keep住contact，太陽哥哥亦睇住emily由一個小妹妹變到宜家亭亭玉立；emily亦好鐘意呢位哥哥，聽說當時知道家姐同太陽哥哥分開左後，仲嬲左家姐呢！太陽哥哥亦好錫呢位永遠係佢心目中係親細妹一樣既妹妹，每逢生日，佢地仲會為對方送上大禮，去旅行亦不忘買禮物比對方．．．故事講完啦，係咪好感人呢？^^
原來咁既關係都可以發展到一段咁真摯既感情出黎，真係令人覺得好奇妙；我仲傻到諗，他朝一日，我同太陽哥哥唔一齊，可能佢同琪琪就會變到好似同emily咁，哈哈！因為佢地平時都好friend架，成日攬頭攬頸咁架！
係銅鑼灣行街後，夜晚約左媽咪同琪琪係青衣城大家樂食飯；因為媽咪宜家要跟營養師餐單食野，佢就叫左一哥火煱，咁就可以揀ｄ米線、白肉、菜等黎食，其餘個ｄ比晒我地；細妹食左醉雞煱，太陽哥哥就食燒味飯，而我就"痴"佢地ｄ野每樣都食ｄ，嘻嘻~~
沒有留言:
張貼留言