2008-02-14 (Thu) Happy Valentine's Day

 

今日係我同太陽哥哥的第二個情人節啦，我之前講過啦，我生日已花左太多錢，唔想再係今日用咁多錢啦，我地就計劃下點樣平ｄ咁慶祝！

為避開晚飯時段人多，我地先睇戲後食飯，買少少野入場食咪唔肚餓囉；太陽哥哥尋日就去買定飛，用左我GH會員張生日買一送一優惠券，所以只係比一個人錢，誠惠 $55！

我地睇左" L 之終章．最後的23天"，其實我對上兩集ｄ劇情都唔記得晒，我以為都係講ｄ咩死亡筆記殺人野，點知唔係；內容一般，但好多 L 戲份，令我望佢多ｄ，了解佢多左，覺得佢幾靚仔同攪笑呢，仲有心地好善良！可惜註定要死啦．．．佢好叻，但為左破案甘願放棄自己條命；23天一日一日咁倒數，到佢知自己大限將至，又發覺自己唔想離開呢個世界住．．．所以話呢，唔好輕易放棄自己所擁有既，仲要好好珍惜呢！

 

之後去和民食晚飯，因為我有張生日$100 cash coupon，我地先攞飛，再行街，大概半個鐘就有位啦！

叫左四個餸，點知都食剩兩件pizza！新出個意粉真係勁正呀，大家有機會必試！埋單百七蚊，扣返$100 cash coupon，誠惠 $70！我地個情人節慶祝只係用左$125咋，係咪好化算呢？嘻嘻~~

 

唔洗多講，係太陽哥哥親手整比我既情人節咭，同埋agnes b 耳環作情人節禮物！對agnes b耳環我好鐘意呀，因為我好lazy，換耳環比起頸鍊手鍊算最多了；而呢款係銅鑼灣先見到，沙田尖沙咀既舖頭都未見過！最好唔好再有啦，咁我呢對就少ｄ人有囉！

太陽哥哥份禮物仲未睇岩呀，佢想要件禦寒厚jacket，但唔會再要羽絨做筋肉人啦；我地已經睇過 north face／lafuma／columbia／timberland，連運動家／馬拉松／royal sporting house都掃埋，暫未有心水，可能靚個ｄ新年前已比人掃晒 lu！到睇岩又可能唔再凍，唔．．．weekend試下再睇多幾間啦！