今年生日沒有請假，一來剛去完日本已放左好多日，二來公司要食開年飯，三來新年後返去可以逗好多利是麻！
繼尋晚的十二點慶祝後，今日放工後會繼續我的生日慶祝Part 2，其實嚴格黎講，計埋日本旅行時的預祝，應該係Part 3之真！放工後約左太陽哥哥係尖沙咀等，佢同我去holiday inn食自助餐！
呢度食物一般啦，不過有生蠔食我就好開心！
不過冇太陽哥哥鐘意的長腳蟹，似乎．．．都係九龍酒店好味ｄ！
熟食野我最鐘意食廚師煮的牛柳，反而燒牛肉有ｄ韌；太陽哥哥就鐘意片皮鴨！
七彩壽司，可惜我一舊都冇食！
雪糕係 Häagen-Dazs，梗係食多ｄ啦，不過都係鐘意 movenpick多ｄ！
返到屋企，太陽媽媽送了我兩封利是；其實佢今日上晏打過電話比我架啦，親口同我講生日快樂，仲話禮物今晚比我，真係估佢唔到！調返轉我都唔敢呀，通常只會SMS，所以我當然好開心啦！
多謝今日為我送上祝福的所有朋友，特別係elsa超準時兼親口唱比我聽既生日歌，仲有yammy、phoebe、jimmy、esther、michele、休、ben、明記、armand、tony、yolinda、ronnie、didi 等的道賀！
另外，值得一提係威哥的sms，我睇完差ｄ喊出黎，諗緊好唔好寫出黎同大家分享，最後決定寫：
雖然message係咁遲～但真人一早講左～我知妳唔介意既～生日快樂～
這些年來辛苦妳了～又要擔當經濟重心～又久不久要受我氣～但每次我一有需要妳一定會口硬心軟咁幫我～對不起＋謝謝妳
下年妳可能就要過新生活～希望妳幸福快樂～更希望妳可以搵返世上最古老最簡單的愛
弟．威上
睇完好有感觸，首先覺得細佬真係長大左好多，識諗好多，同埋近年亦幾次發現佢既中文水平原來唔錯！其次覺得自己多年黎對屋企既付出原來都係值得既，我承認每當辛苦時，曾怨天尤人，會諗點解咩都要係我去揹？今日，當見到細佬呢個sms時，會覺得過去所付出都係值得既！對不起＋謝謝妳．．．呢句好正好有feel，我好鐘意；因為呢十幾年，真係比威哥激唔少；但又衰在比佢睇得出我係一個口硬心軟既家姐，哈哈！
我回覆佢：好感動．．．眼淚快要流出來．．．我的弟弟真的長大了！門面的禮物也不及您親手做的蛋糕來得珍貴；敷衍的一句生日快樂，也不及您真誠的祝福來得窩心！我地血脈相連，是一生不變的關係，多謝您做我弟弟就真！
媽咪講笑話我地兩個係度互相吹捧，作野好勁呢！我承認，有少少誇張啦，但都係用幽默的手法表露出心底真心的說話姐！
除此之外，今個生日，太陽哥哥花左好多錢了，所以過幾日的情人節，我想一切從簡，因為過埋今日，我地要努力儲錢，為我地既目標努力！
今年生日的所有一切．．．知您花了好多心思同時間，謝謝您！謝謝所有愛錫我既人！
沒有留言:
張貼留言