2015-10-05 (Mon) 3rd Birthday celebration@ICS

今個月係丁丁生日, 學校會為小朋友慶祝, 早前老師已跟爸媽約好時間, 今個月有四位小朋友生日, 每兩個一齊攪, 丁丁同Jamie哥哥就係今日; 第一次參與Montessori式的生日活動, 生日個位小朋友原來個朝要入廚房負責整蛋糕架, 學校約好家長十一點三出現, 入到課室佢地已乖乖圍圈坐在係地下, 丁丁帶我地入去, 有兩張櫈預備好比我地, 老師叫丁丁去拎佢個timeline出黎 (早前學校叫我地交四張0-3的相), 原來之前返學時已做好, 呢個時間就比大家睇, 跟住拎住個地球圍住太陽行一圈, 咁就代表一年, 即大左一歲, 幾多歲就行幾多個圈.....之後送花比媽咪, 好意外同感動! 再拎自己整既蛋糕出黎, 同大家一齊食......一個簡短特別, 非常感動的慶祝!