今日係我張迪迪尼 Annual Pass 的到期日，因為去美食之旅整唔見左頂米奇帽，就約左表姐諾諾今日去多次，睇下有冇機會買得返！其實都約得好急，呢幾日天氣都唔太穩定，唔想好似上次去到門口，泊好車先黎落大雨，最後去唔成！
表姐仲話其實今日孖Ｔ媽都有約佢地去赤柱架，諾諾呢排都好鍾意同孖Ｔ玩，上次仲因為想同孖Ｔ玩而唔要搵平時黐到實既爸爸！最後我地交比諾諾決定，佢宜家大個仔，可以自由發表個人意見架麻；問下佢想同孖Ｔ玩，定係同恩恩去迪迪尼；最後諾諾揀左．．．恩恩呀！
原本表姐黎中大接我既，點知諾諾放學後訓著左，咁我公司都多野做，就做埋ｄ手尾先，做到一點九先走！先去表姐屋企同諾諾一齊食 lunch，又可探下小日朗，但我唔記得影相；食完飯慢慢換衫，三點半先出發，去到迪迪尼泊好車已經四點啦！
諾諾有個Chicoo新太陽眼鏡，好似小明星一樣！
迪迪尼泊車證～～勁靚呀！
幫諾諾搽防曬～～因為太陽油係油性，諾諾ｄ皮膚用完成日出粒粒，所以表姐買了新產品比諾諾用！諾諾一路搽一路怕癢，好攪笑！
已經四點半，但太陽仲好猛呀！
由於太陽實有太猛，熱到我地都有點辛苦，我又好怕曬，所以入到迪迪尼我地就即刻去shop嘆冷氣，順便睇帽先！
不過冇我唔見左個款帽呀，反而幫諾諾試左好多帽！
太陽哥哥今日黎唔到陪我，佢叫我鍾意買咩就買，佢埋單喎！可惜我零收獲，因為冇咩好買， 連我幾鍾意買的cushion，chip n dale仍然係呢兩個款，我床上一早已有了！咁我就可留返個quota喇！
雖然冇野買，但今日有兩張免費的 chip n dale 咭仔做禮物！
行完shop仲好熱，我地就去食ice-cream tea：
食完野出黎已經六點半啦，但我地咩都未玩，其實我地係黎 hea 架咋！哈哈～～太陽剛開始落山，唔曬我地先出動；先去巴斯光年拎 fast pass！
跟住去小小世界～～我問諾諾我地去邊呀？佢答：去it's a small world，跟住玩巴斯光年，呢度好多野玩架！真係答得好鬼可愛～～
一係太陽好曬，一係一落山太陽就走得好快，玩完巴斯光年出黎已經天黑啦！都七點半，我又約左太陽哥哥放工，表姐夫都放左工返到屋企等諾諾佢地，我地都係時候要回程啦！其實諾諾仲想玩winnie the pooh同睇 fireworks 架，不過表姐氹佢下次先，因為爸爸已經係屋企等緊佢地食飯啦！
沒有留言:
張貼留言