我同表姐的迪迪尼 annual pass 今個月到期了，表姐的在今日，我的在月尾；所以今日請了假，諗住一齊去多次迪迪尼！表姐一點係屋企樓下接我地，去到迪迪尼泊好車，唔對路．．．烏雲過緊黎，越來越黑，我地在係車度唔敢輕舉妄動；只係十五分鍾，已係由冇雨變到勁大雨！睇得出諾諾最失望啦，明明落到咁大雨，把口都話 no rain．．．一心去迪迪尼點知宣告泡湯了～～
假期都要繼續，氹掂諾諾後，開車去第一城食下午茶，貪得意用尋日游水時細妹係相機set左既黑白mode影相！
跟住返表姐屋企玩，又可見下小日朗；尋日我地先見完面，但媽咪就一段時間冇見小日朗啦！
小日朗好易氹，好易笑～～
諾諾同恩恩玩～～
仲玩恩恩ｄ頭髮添，切同剪喎～～
跟住玩益智遊戲，ABC咭，諾諾真係好勁，識好多字！
單字可能對諾諾太淺了，係我仲摷緊有咩英文字未問諾諾時，佢已經不知不覺跟自己用ｄ咭砌生字添！砌左個BAT出黎，仲知中英讀法，好叻呀！
跟住我地索性玩生字，諾諾砌完成日問：呢個有冇呀？(即有冇呢個字)
小日朗沖完涼，換左另一衫，成個香噴噴，我地又再玩過～～
姑媽原來未同小日朗影過相，等我幫下手啦～～
到我同小日朗合照啦～～
小日朗縮埋一舊仔咁既樣，好鬼攪笑！佢會應人，會出聲做回應，真係好似同您講緊野溝通咁架～～
諾諾沖涼，我都去直激下先～～大個仔啦，識得自己洗頭洗面，搽完泡仲識用花灑沖水！
夜晚我地約左琪琪同太陽哥哥係荃灣食飯，因為琪琪想拎埋個桃紅色喼，我地去左『尚賓樓』打邊爐！
媽咪呢期影相好多表情～～
沒有留言:
張貼留言