標榜不設購物點及自費項目、真正享受旅遊樂趣的美食之旅，聽過身邊好多朋友都參加過，今次係我第一次參加！多得叔叔一手包辦所有野，我只係到時出席就可以了，最鍾意咁，咩都唔洗理跟住玩就得！
今次參加的係『番禺美食之旅』，我地一家四口＋叔叔一家只口共八人；我地朝早七點就起身啦，係樓下食早餐，跟住搭的士出荃灣，再搭巴士去皇崗，準時九點到達！
皇崗呢度超多人，等旅遊巴的地方都係，因所有美食之旅既團都係呢度做集合點！
旅遊巴足足遲左半個鐘先到，叔叔一家係羅湖已上車，我地一上到車就見到佢地啦，叔叔仲好攪笑咁拍我地上車既movie呢！
旅遊巴跟住直駛，咁長途大家都訓到 ku ku聲，我同琪琪仲比衰威哥偷影添！不過又影得我地訓到好鬼合拍喎！
十一點幾，我地到達南沙，第一個景點係『南沙天后宮』，隔離仲係濱海樂園，我對遊樂場興趣反而大ｄ呢！
『南沙天后宮』範圍好大，係一個大公園咁，要行一段路先到～～
到啦～～天后像真係好大座呀，氣勢宏偉，係珠江口最具靈氣的天后像喎！後面的天后宮都好靚，再高ｄ仲有個塔，但我地當然冇時間行上去啦！
呢個時間我建議影跳跳相，叔叔咁鍾意影相，好開心咁影我地呢！
最後我地個個都輪住跳，我只係跳左一下同影左一張，嘩～～跳得好高呀！簡直係perfect jump 呢！
大合照：
係天后像前跟導遊合照：
再黎多張大合照：
許願樹：
臨上車前去左試『肥媽燉奶』，不過只得五分鐘時間，我地三個細路怕熱，食凍雙皮奶，好難食！但大人食的薑汁撞奶好滑好正！威哥同琪琪熱得滯情願去買野飲！
個幾鐘車程後，一點半我地到達『福林山莊酒家』午膳，呢餐十餸一湯＋生果；最出名係"香芋碌鵝＋秘制鉢仔骨"喎，係個雞太"鞋"同個蒸咸魚可foul，其餘的菜式都唔錯，第一次係大陸食到幾好味的一餐！
想托塔點知唔夠正，但唔想再影啦，因為好多人望住．．．
我地的旅遊巴：
美食之旅專用水 - 用心服務、以客為尊！
下一站係廣東四大名園之一的『餘蔭山房』：
第一次見大樹菠蘿樹！
鄔公祠～～其實呢度係一間好大好大既屋，有祠堂、花園、涼庭、瀑布、客廳、偏廳等，好似係話個人中左科舉就起左呢間大宅！
最喜歡幽徑入面的 Jumbo 象棋！
園內的溫馨提示，都係威哥標晒汗趴晒地咁影架！
太約四點半，我地就到達酒店啦，今次酒店係位於番禺區中心地帶的五星級『科爾海悅酒店』：
介紹話酒店係採用"地中海新歐派風格"的理念設計，精心打造情景大堂，擁有各式雅典舒適豪華客房；入到去大堂，又真係幾靚喎！
好多唔同設計的燈飾、地燈，大堂既櫈亦張張不同，果真花了心思！
我之前申請左要double room，因我好怕自己一張床呀！我地八個人四間房，派了兩間double room＋兩間 twin room；沒有刻意揀，雖然我我同細妹間的落地玻璃較細，但房間較方間格好大，廁所仲大到要影三張相先影得晒呢！
叔叔嬸嬸的房較長，面向整塊落地玻璃！
兩間 twin room 間格一樣，呢間係媽咪威哥個間：
晚飯前原想去游水架，點知呢間酒店的游泳池係室內既，上到九樓見到咁，著住泳衣架啦，但又焗又多人咁，興趣大減．．．最後都係決定唔游了！
晚飯在酒店內享用自助晚餐，但食物非常普通，所以我都冇影相，午餐仲好味！媽咪話同上次跟叔叔姑媽去的太子酒店美食之旅的自助晚餐，簡直無得比！
雖然自助餐唔好食，但一齊傾下計，嘻嘻哈哈都坐左三個鍾！跟住返房沖涼，之後威哥同謙謙黎左我地房一齊玩挖金牌，玩到成十二點先訓～～
沒有留言:
張貼留言