今日同琪琪去搵諾諾游水，其實約左下午兩點到，點知想出門口時陰天＋毛毛雨，好在一個鐘後出太陽，即刻出發！
帶左呢份禮物比諾諾．．．估下係咩黎？
去到吹漲完就變左．．．跳跳鹿！睇諾諾個樣幾鍾意～～其實佢可能覺得好神奇就真，黎到時明明扁 tat tat，點知原來係跳跳鹿黎架！
直激小日朗洗白白，只係兩個半月既佢，已經漲到咁既樣，個肚 dup超肥大呀！
表姐預備了大大粒既士多啤梨比我地係游水前食，先補充一下體力！
大約四五點冇太陽曬住時，我地就換泳衣去游水啦！睇諾諾一身既游水裝束幾攪笑～～
落水前影返張～～其實已經係八月中啦，但今日先係我今年第一次游水！
表姐夫幫我地影幾張相後，佢就先返屋企，得返我地睇住諾諾，睇黎表姐佢地對我同琪琪都好有信心喎～～
事實我地同諾諾都玩得好開心，證明交比地絕對放心！我地仲拎埋相機落泳池影相添，幫諾諾影左好多相呀！
游得好犀利喎～～
好識嘆喎～～
全日唯一一個游水短片：
半個鐘後，表姐帶埋浮板黎join我地！諾諾一見浮板就話唔要水泡喎～～
琪琪用浮板，可以游到同魚一樣快架！
諾諾對面屋小妹妹都黎左游水，佢叫 Florence，成個日本妹咁架！
諾諾仲同妹妹交通水泡玩～～
太陽落山時，天氣開始凍，臨上水影多幾張合照先！
上水啦～～
抹乾身後，諾諾換上一件好可愛既 froggy 小浴袍！
上到去小日朗在飲奶奶，聽聞佢好易揍，只係訓覺同飲奶架咋；睇下佢丫，掃風時已訓著左啦！
自己睇自己個拳頭～～
小日朗識同人玩啦，掂下佢面珠／鼻就識笑架啦，好盞鬼好易氹！
一場黎到，都要同小日朗影張合照先得！
跟住琪琪同朋友食飯，太陽哥哥係大圍接我，我地今晚同太陽媽媽係旺角食晚飯！
我地去左『上海坊』，食左四樣野！
由於日元高企兼繼續升，我同太陽哥哥決定結婚週年唔去沖繩啦；之前花左咁多時間搵資料，都冇ｄ失望架，但冇理由兌緊 9x 都夾硬唔抵都要去架麻，其實我地都係理智既人黎既；加上太陽哥哥話資料搵左都唔怕，下次去時實有用架麻！
因為想用返 JW Vacation Club 既 hotel voucher，最後我地鐵定改去北京！北京我同太陽哥哥都未去過，最重要係想去新開的室內滑雪場玩 snowboard！我地預計滑兩日雪，而黎到北京點都要去長城一趟既，咁又一日喇，所以都係去七日啦；慢慢玩慢慢探索下，去埋天津又得！為左搭正結婚週年，我地既旅行定於18-24/9，已經confirm晒機位啦！最犀利係24/9有朋友結婚呀，所以我地揀左下午四點幾到港既飛機，返到黎返屋企放低行李、沖返個靚涼、換返套飲衫，就又要去飲呀！
今日仲買埋最updated的閃閃旅遊書啦，迫自己唔可以再三心兩意啦！太陽哥哥話要快ｄ確實去邊，然後計劃一下點玩～～既然咁堅定，我都拿拿林取消晒之前所有沖繩酒店同機票既bookings！
沒有留言:
張貼留言