2010-08-10 (Tue) 舊喼升呢

早前細妹係新假期見到呢個廣告，話只要用一個任何size既舊旅行喼，加 $499 就可以換一個新既Mendoza 26" 旅行喼，舊喼會捐去救世軍作慈善用途！

我本身都用緊 Mendoza 29" 旅行喼，覺得呢個牌子唔錯，襟用又襟掟；我同太陽哥哥本身又只得一個喼，去旅行時都唔夠用；橫掂細妹話換，我地都換返個，順道又可做善事，一舉兩得！

 

去邊度換？

 

旅行喼梗係要夠sharp啦，細妹揀了桃紅，我就揀黃色啦；實物黃色比相sharp ｄ架，看短片就知！