有日琪琪有同事係淘寶網訂跳跳鹿，琪琪即刻打黎問我要唔要訂，一齊送可share返郵費，琪琪諗住買隻比Nok Nok & Jayden，我就諗咁我買隻比玲玲啦！因為第一次接觸淘寶網，click click下發覺原來好多野好抵買，好多野都想要！
點知．．．個賣家原來唔送香港架！好在四海之內皆兄弟，搵到太陽哥哥舊同事Raymond幫手，佢幫我落order再寄去佢大陸屋企；因為佢過幾日都會黎香港，咁到時咪可交比我囉！
第一次淘寶收獲：
除左兩隻跳跳鹿，我訂其他既野都係ｄ好輕既濕星野，點知黎到都一大箱，有ｄ唔好意思添！
不過咁大箱野運費先係 RMB 20，抵呀！
一紅一藍跳跳鹿～～玩具反斗城賣百幾蚊一隻，淘寶只係 RMB 30 有找，仲送埋揼！
其他濕星野：
隔蛋黃器 [RMB 1.5]、發光挖耳勺 [@RMB 1.8]，雖然有點無聊，但屋企冇，又咁抵，買黎看門口唔錯丫！
買滿唔知幾多錢送了門膠＋耳環，門膠有用，但耳環廢廢地；另外買的燈買錯了，我以為好以檯燈咁大的七彩變色燈，點知咁細粒的燈！頂～～呢個係最失敗的貨品，仲要 RMB 4.5 呢！
左邊同中間係我最鍾意的小磁石，細細粒，又colourful！右邊的三個是木製小書簽 [@RMB 1.2]，不過因為係隨機冇得揀，只得星星岩我心意；原本有好多款架，但要搏囉！
小磁石訂左英文字母 [RMB 13全套] 同數宇 [RMB 5全套] 各一套，琪琪之前係facebook買成五六蚊！其實相信係用facebook的香港人，係淘寶入貨，再放係facebook賣賺錢；咁睇法，食水都幾深下喎！
拼下字先，因為每個字母同數字只得一粒，唔係咩都拼到架！
因為只得一個 N，只可拼 SUN！
太陽哥哥見狀搭訕，話用Z 反轉做多個 N 囉，又係喎～～
仲發現太陽哥哥的中文譯名都可拼到，勁！
太陽哥哥見狀又搭訕話：我個姓都冇重覆架！咦．．．係喎！全個中文譯名11個字母，都冇同26個字母互撞，個名真係改得勁喇！
唔少得我兩個可愛小姨甥啦！
仲買左 24 粒可愛動作小磁石[@RMB 0.25]，原本又係好多款的，不過都係隨機冇得揀，所以有ｄ我都唔鍾意的！
Raymond 估我好鍾意磁石，比左ｄ以前佢做的磁石產品比我，不過呢ｄ唔係我喜歡的類型呢；不過都好多謝佢咁有我心！嘻嘻～～
沒有留言:
張貼留言