今晚我要返PT，太陽哥哥亦係銅鑼灣飲朋友為初生囡囡擺的滿月酒，所以一齊回家；返到屋企門口，太陽哥哥話佢冇帶鎖匙，叫我開．．．一開門著燈，發覺小餐檯被移到廳中心，仲有袋野係檯面！
我個心好快知咩事啦，一定係太陽哥哥的攪作，佢平時遲過我起身同出門口返工既，呢個安排實係今朝已早有預備！唔怪之無拿拿話冇帶鎖匙啦，平時都係佢開門架麻，有心等我自己開門既！因為聽日係八月六號，係我地拍拖四週年既大日子呀！只係我估唔到佢早一晚會比驚喜我先啫～～
用個Tee shop 紙袋裝住扮野．．．入面仲有袋中袋＋袋中袋中袋！
wow~~係太陽眼鏡！I super like it！因為之前講過想買個太陽眼鏡，等下個月慶祝結婚一週年去旅行時可以用！
因為相機色差問題，其實不是黑色的，係藍灰色，隻色special得黎又唔高調，我真係好鍾意呀！
太陽哥哥仲為我地呢個紀念日畫左幅畫，釘左係牆上，我一入書房就見到！
沒有留言:
張貼留言