今朝八點起身，換衫後去酒店餐廳食早餐，早餐 level 黎講算相當豐富，拍得住晚飯level 呢！
食完影大合照，我又建議玩自拍十張，今次旅行我將我地平時既癲野，介紹晒比鍾意影相的叔叔，繼跳跳相後，佢呢個環節都影得好開心呢！不過有ｄ人好似戇居居咁企晒全程喎～～
跟住返房 hea下小休下吹下水，十一點半check out；第一站係午膳地方『榮苑』：
要行兩層樓梯，有點辛苦，但呢間餐廳好多本地人幫襯，樓下同一樓都坐到滿晒，好似好勁咁！檯上有盒野，成幅啤牌咁，打開原來係紙巾，咁樣裝紙巾法都係第一次見！
牆上好多畫：
等野食時，唔同組合咁影左好多張相：
我仲強迫謙謙同細佬影貼面相，佢地把口話唔好，咪半推半就，睇返相佢地個樣其實都幾enjoy同開心丫！
今餐係客家風味宴，導遊咁岩經過，我拎左佢張menu影相：
呢餐亦係相當豐富＋好味，『古法風沙雞』係賣點喎，不過其實每道餸都唔錯！仲要有流沙包做甜品，好正！兩日的午膳圍餐我都非常滿意！
飯後出發到『威遠海戰博物館』，博物館外一大片空地，遠望就係虎門大橋，亦係當年林則徐銷雅片之地；虎門大橋真係好靚，有點似香港的青馬大橋；不過睇相係靚，其實當時列日當空，好鬼熱＋超級晒，真係好難頂！亦係呢個景點，我最後出動我心愛的Mickey帽，跟住就唔見左啦，唔知係上車前唔見，定留左係車度．．．
最後回深圳，最後一個景點係深圳書城：
我仲以為係好多年前去過的書城，點知原來係一個新地方，嚴格黎講係一個商場，只係入面有兩個較大的book shop啫！
商場內的大鴨鴨：
原本會一齊係深圳食埋晚飯先走，太陽哥哥仲計劃上黎一齊食，但下午時大家都覺得好滯同攰，想快ｄ返屋企好過，所以就取消留深圳食飯的計劃；行完書城後，我地係黃崗下車過關，相約太陽哥哥荃灣等，去左沙爹王食個快飯就返屋企啦！
返到屋企真係幾攰，聽日仲要返工，咁就冇左個假期啦！
今次第一次參加美食之旅感覺唔錯，係酒店的buffet dinner差ｄ，其實ｄ房真係好grand好正，拍得住韓國High One的高級酒店；如果餐晚飯係正buffet就八九十分喇！夏天出門真係熱左ｄ，如果唔洗烈日當空行景點，咁就滿分啦！最估唔到係兩日lunch都好味道，預料之外，加分！
最唔開心係唔見左頂帽，返到屋企執行先發現，勁 down 同 upset！
今次旅行的導遊間唔中都幾幽默，以下係幾句攪笑野出自佢口的：
『傾下心事，談下政治，講下人生人事！』
『十餸一湯，白飯任裝，唔夠過黎我度裝！』
『食飽抖一抖，好過做特首；食飽眠一眠，好過去去耕田！』
沒有留言:
張貼留言