今日放工去荃灣剪髮，剪完太陽哥哥剛放工黎到接我，時間較得岩岩好！今日下午已上網買定飛係荃新天地睇『潛行凶間 (Inception)』，睇戲前先食晚飯，去左未食過的『自家製烏冬』：
門口的大餐牌及透明廚房：
仲有日本食店好興的模擬食物，真係假得好靚，睇見就想食！
叫了兩個小食：帆立貝北海燒 [$30]、吉列六白黑豚腩芝士卷 [$28]。
太陽哥哥試了海鮮湯烏冬 [$45]：
我試了鹿兒島六白黑豚什菌南瓜汁掛烏冬 [$45]：
呢度ｄ烏冬真係好彈牙，值得再去！
潛行凶間好多身邊朋友已睇晒，講明要好留心睇，我都預左會講好多野；奈何今晚真係精神唔夠，可能尋晚PT遲放工，今日返工已好攰，我連剪緊髮時都中眼訓，加上睇成十點場，所以睇時好吃力；故事大概知係講偷偷進入人地夢中，從而偷取對方深鎖的秘密；睇時先知原來仲可以夢中夢，最後仲係四層的夢中夢中夢中夢，勁！不過因為冇咩精神，我又覺得唔係太好睇，因為真係講好多野，係今晚我呢個精神狀況，我真係冇咩耐性，但視覺效果係絕對精彩！
今日收穫又兩大袋，都係日用品屋企野啦！
睇戲前去左新台場買近來太陽哥哥極力推介的食物 - 豬肉紙，好薄好薄＋好脆好脆的豬肉干！
沒有留言:
張貼留言