PT休息三個星期，多了點時間真好，生活唔洗再咁緊張同成日都冇時間做其他野；可以好好休息，分配一下時間，做多ｄ充實同有意義既事，好似尋日幫表姐手湊諾諾啦、多左時間同太陽爸媽食飯啦，又比如．．．今晚下廚比老公食！(不過其實今個星期係最後一個星期啦, 下星期開始又要重回忙碌疲倦的生活!!)
尋晚已經計劃今晚整咩，亦禁止定太陽哥哥第Ｎ次encore花甲，雖然佢好鍾意食，但我真係唔想再煮呢味餸了，想煮下ｄ新野，咁先學到野麻！最後決定整：黃金大虎蝦＋豉汁帶子蒸豆腐。
放工閃返屋企預備食材：
咁大個女第一次一手一腳處理腥亨亨既蝦，要剪蝦鬚蝦頭、剝蝦殼、挑蝦腸，成隻手會遺留一陣味；對煮慣餸既人當然小意思，但對於我自己，過去十幾年就算陪媽咪買餸，拎咩都得，係唔會拎濕立立既海鮮類食材，今日覺得自己好偉大呢，脫變一樣！哈哈～～
煮熟咸蛋黃、切好豆腐、豆豉同蒜頭都係自己捽碎架：
煎大虎蝦先，蝦係惠康買既，見佢賣晒廣告話特大虎蝦只係$49.9盒，就撲去買左兩盒，諗住放係冰格看門口，因為樓下街市成日都買唔到！點知打開先得八隻，呢個價錢媽咪平時買到一斤啦，仲係新鮮添呀！
不過佢既好處係冇咩蝦腸，冇咁核突囉！
待用：
7點50分去煲飯，點知聽到有人入屋，嚇一嚇，原來係太陽哥哥！佢平時八點幾先返到架，我都估佢八點半，點知早左咁多；佢話怕我辛苦，早ｄ趕返黎幫我手，搭左貴ｄ既極速小巴；突然覺得自己好幸福，太陽哥哥真扺錫呀
！
既然佢返黎幫手，我叫佢幫我放材料係豆腐上面預備蒸，佢仲自己讚自己鋪得靚喎！
諗諗下驚唔夠食，決定炒埋生菜啦，都係太陽哥哥負責搣菜同洗菜！
蒸豆腐既同事，另一邊我就炒菜：
炒完菜就炒蝦：
登～登～～完成！
三餸不過差一湯，比多ｄ時間我練習多ｄ，又或者多ｄ人黎食先三餸一湯啦！
心型飯"殼"今晚都開封了～～
太陽哥哥對我今晚既表現，比左豎起既手指公我呀，話好好味！我自己都好滿意呀，尤其個豆腐，因為未跟媽咪整過學過，只係臨煮前問下媽咪個steps咋！
