今日Ben朋友攪紅酒試酒會，主要係老人家，為左撐場，Ben叫我叫多ｄ朋友黎，所以我就搵埋Mavis同Michele一齊去喇，希望佢地唔會覺得被昆啦！嘻嘻~~
約左兩點半係九龍灣，點知到一點幾，太陽哥哥打黎話剛車完客去東涌，宜家可黎車我去九龍灣呀，so great！佢仲問我今次仲咩唔影相，既然係咁，我咪影返幾張囉，哈哈！
去會場途中，一路行一路行，憑環境觀察，我地開始覺得被昆．．．
去到啦，大部份都係老人家；場地當然冇酒店咁grand，但都似clubhouse裝修，起碼唔係社區中心feel先；其實我黎的原因，主要係因為我係一個唔飲酒的人，亦唔覺得酒好味，點能enjoy呢？純粹抱住玩下同認識下紅酒既心態咪黎當幫手囉！
原來紅酒係健康既東西，只要份量適當，對身體健康好有幫助！
呢度任試任飲，仲有埋牛柳比我地送酒，酒對我就麻麻，反而廚師即場煮ｄ牛柳就好正！唔少得當然拎住酒杯影返幾張啦！
我一共試左四款，有香檳又有紅酒，但．．．杯杯飲完我都覺得好難飲呀，而每款我只係飲兩細啖度，睇黎我唔太識欣賞同enjoy啦！
最後影返張合照先，Ben又上身啦，哈哈！
沒有留言:
張貼留言