2008-08-02 (Sat) 探望 Didi 囡囡 - 悠悠

Didi 囡囡已經出世四個幾月喇，今日相約朋友們一齊去探呢個小baby，第一眼見到 「悠悠」，佢只扁起小咀吹波波，唔笑好cool呢！四個月前後的悠悠，變化真係大呀(http://hk.myblog.yahoo.com/aquarius-givens/article?mid=6016)！

我地去左Didi住所凱旋門的clubhouse，今年一月悠悠未出世時都黎過探Didi，不過當日係夜晚兼勁大霧，個view被雲霧遮住晒(http://hk.myblog.yahoo.com/aquarius-givens/article?mid=4555)；難得今日係日頭兼天氣晴朗，等我影清楚呢個處於六十二樓的空中花園先！

參觀完後，我地返入室內clubhouse，同悠悠黎個親密接觸先！室內clubhouse真係好舒服，成邊都係落地玻璃，同一個角度，個view正過室外呢！

我當然搶住抱悠悠先啦，話晒我都有份湊大牛哥馬大的威哥，睇下，我一抱悠悠佢就識笑啦，幾開心！

個個 BB 都鐘意食自己隻手，哈哈！

悠悠的小腳仔~~

悠悠的小手仔~~

等我呢位攝影師幫下呢對媽媽baby影返幾張先，一影就打喊路？笑死人呀！

我好鐘意呢張，捕捉到溫馨的一面！

國金做背景，好值得留念，因為Didi過幾個月就搬啦，跟老公去台灣training呀！

值得一提係呢度的泳池，61樓的電梯門打開，嘩，嚇我一跳，行前幾步就係泳池了！好正呀，望住ｄ高樓大廈游水，唔知係咩感覺呢？Didi 話呢度八十蚊任游，包埋按摩椅同gym room任玩，佢都想搵人陪佢游好耐，攪到我心郁郁都想試下呢！