2008-08-16 (Sat) 吉壽日本料理 @ 威靈頓街

吉壽日本料理 @ 威靈頓街

今日同朋友慶祝生日，目的地係威靈頓街，其實我都唔知係邊度黎架，只知道應該係蘭桂坊同SOHO區個頭；一行三人由香港站出發，行過好多地方，一路向上移動．．．搭了幾條扶手電梯．．．向下亦見到係曾關閉前我去參觀過的域多利監獄，可能我唔識香港ｄ路，行行下見到以前黎過既地方，就會覺得好神奇同好有親切感！好低Ｂ吧？哈哈！

一路向上走，左手邊好多大廈，入面好多餐廳，其中呢間幾吸引我．．．簡潔的裝飾，檯上有朵小小的太陽花，給人很舒服的感覺！

天氣好熱呀，行左陣已好辛苦了，但仍找不到我們的目的地．．．後來發覺原來上太高了，威靈頓街其實就係蘭桂坊酒吧街最低側邊條街咋麻，行了冤枉路呢．．．最後，黎到 THE LOOP 呢座building，這裡的七樓，就係我地要去的吉壽日本料理，終於黎到啦！

好型的鐳射發光水牌，唔知係咪出面太光太熱，一入到黎感覺好黑好cyber，最攪笑係入左 lift 後，大家係睇唔到大家個樣架，仲以為朋友帶我去食鬼屋餐廳呢！

我地分別叫左蒜味炒牛柳粒、鹽燒青花魚、韓式泡菜炒豚肉既定食，份量好多，我只食到一半咋！

定食的甜品：

呢度ｄ食物味道都唔錯，最好味我覺得係我揀的蒜味炒牛柳粒，嘻嘻~~ 怪不得朋友係open rice揀了這餐廳，要不然，我才不會老遠跑來這裡食 lunch呢，哈哈！

之後諗住睇戲，想睇WALL E，但將近落畫，都冇場次了．．．

 

想看內衣少女，諗住刺激下，但附近的戲院都開了場，真係黑仔，激死人！

 

冇辦法啦，唯有期待下星期六去睇地心探險記３Ｄ版！