第三站就係過海運睇3D版地心探險記，我前幾天已上網訂好飛，搵埋SA同BEN，因為我覺得會好好睇，好想叫多ｄ朋友一齊去睇，加上一齊戴住3D眼鏡，感覺好攪笑呀！而MAVIS黎唔到同ELSA食晏，就同我地睇戲喇！
黎到戲院好多人，我地個場仲好爆呢，而我地唔洗排隊就好快拎到飛啦！
戴返個3D眼鏡影相留念先！
套戲真係超超勁爆好睇，好緊張，好刺激！加上3D效果，觀能指數簡直爆晒燈！越礦飛車、食人花、食人魚、被恐龍追、磁場石頭、跳落地底、衝上天空．．．簡直好似置身現場咁，我叫左好多次呀！而情節就似足打機咁，呢個探險旅程真係super excellent！我真係好強烈熱切要推介比大家去睇呀，如果無人陪您去睇，您請埋我我睇多次都唔拘架，嘻嘻~~
叫BEN扮主角咁跑，哈哈！
第四站係食晚飯，散場後我地散步咁行去佐敦食譚仔記！
第五站係去荃灣碌齡，入到地鐵站，竟然見到譚仔記有燈箱賣廣告，勁呀！
同哥哥們合照先！
坐車車訓覺覺豬！
真係好難影到子元BB個樣唔懞既相呀！呢張相係咪好攪笑呢，好似爭住影明星咁，哈哈！
我成兩三個月冇碌齡了，碌得奇差，去到第七局仲係五十幾分，樣衰到呢．．．好在之後有兩個補中，最後竟然剛剛夠一百分，哈哈！過到百，好睇好多了！第二舖都唔好得去邊，都係106咋，唉．．．
咁耐冇碌齡，影下ｄ朋友仔英姿先，估唔估到邊個打邊個呢？
今日真係節目豐富，玩足十二小時，好耐未試過咁充實啦！星期一就要去做鼻咽檢查了，其實之前都唔擔心既，但當日子越近時，又有ｄ驚，最驚唔係怕有事，我應該冇病掛，怕反而係要塞舊野入去鼻檢查度，驚痛呀！唉．．．唔想，但冇計．．．不過我都有諗過，如果我真係有病，我既生活又會變成點呢？
沒有留言:
張貼留言