今晚．．．係我好感動的一晚！
YOU'VE GOT M@IL？Hello Kitty？Mcdonalds？．．．咩黎架？
入面係咩，我都未有時間諗住，只覺得個盒好靚、好得意，係一個大型蘋果批！哈哈！淨係呢個gimmick已經好掂（賣花讚花香 ^^），仲諗到如果呢個design比ｄ廣告商見到，會唔會buy呢？
揭曉時間：先睇清楚個盒前後，有冇hints呢？
有發現．．．嘩！洗唔洗咁細粒字呀！
登、登、登、登！Ｍ記 tee 呀~~
驚喜一浪接一浪．．．Capsule Letter？我淨係聽過Time Capsule咋，咪個ｄ放ｄ好有紀念既野落個大盒度，跟住埋左去，然後十年後挖返出黎回味十年前的景況，個舊野就知叫Time Capsule！但Capsule Letter．．．
盒仔入面有個樽仔，樽仔入面有十幾粒藥丸仔．．．點知．．．
每粒藥丸仔入面，原來又有一張紙條仔！
紙條仔好袖珍，近看好似"聖旨仔"！哈哈！
每張"聖旨仔"入面，有好多"字仔"同"公仔"！講ｄ咩？當然唔話您知啦，留返ｄ空間比我同太陽哥哥，係我倆的 ｍｉｍｉ(秘密)，嘻嘻~~
嘩，拆呀拆．．．拆得好過癮，好開心！
點知．．．到我整返埋既時候，就唔妨過癮了．．．因為要岩位入到個小圈環，捲到我手仔都軟埋呀！
都好，咁先比我知道呢份禮物既珍貴，我淨係收返埋已經咁花時間，何況係整的過程．．．好感動好感動．．．
用銀紙摺的戒指，仲係我鐘意的心型！見到後好surprised！
每份禮物，看似價值並不大，但當中的心機同愛心，係我永遠的無價寶！
今晚，係我咁大個女以黎，超勁爆開心＋超勁爆感動的一晚！我仲以為，我同太陽哥哥的愛情，已開始變做感情了，但原來，佢仲係咁在乎我、咁緊張我既！多謝太陽哥哥對我的心思、心意、同疼錫！
沒有留言:
張貼留言