今日發售奧運馬術紀念郵票，我幾星期時已經諗住買，因為想買定ｄ特別郵票寄今年的聖誕咭；最傷心係之前原來出過超勁靚的夜光水母郵票，但我七月頭去郵政局問時原來係六月出架啦，連七一熊貓郵票都過埋，仲有隻摺紙樂都幾靚架，可惜已經全部售罄！
當時知道今日會出奧運馬術郵票，就決定要買啦，講真，我又唔覺得好靚，但又唔知黎緊個ｄ係咩款，宜家都八月了，加上話晒奧運，都好有紀念價值丫，所以買定黎傍身都好！
由於同奧運有關，我好驚ｄ人好似排奧運鈔票咁，好早就黎晒，不過我又唔係買首日封個ｄ，只係買郵票啫，所以八點八就黎到；諗住九點開，排廿分鐘，點知．．．原來係九點半先開！oh no！
當時只得幾個人，冇理由企四十五鐘啫，就去左麥記食早餐！平時冇機會食到早晨全餐，今日自己一個靜靜享受，有好多回憶．．．另一番滋味！
偷拍下ｄ人生百態先：睇得出婆婆好錫個孫仔，老伯伯就好蒼桑．．．
生老病死．．．其實人生係ｄ咩呢？我既人生又係應該點呢？
九點半返到去，嘩，多左好多人，我諗我排廿幾；唔夠十分鐘咋，就聽到話冇晒首日封同套摺，雖然我冇諗住買，但聽到都有ｄ質疑，有冇賣得咁快呀？！亦見到排緊隊的人好失望呢！到我時，買了計劃好的30個$1.4同 5 個$3郵票，除此之外，亦趁熱鬧學人買了兩封小全張，哈哈！
沒有留言:
張貼留言