聽日就係我同太陽哥哥的兩週年紀念，我地請左假慶祝，所以今晚就一齊過十二點；我想比個驚喜太陽哥哥，所以問朋友借左架車，放工後楂去鰂魚涌佢公司樓下接佢！
今日好多野做，加上聽日放假，係咁清野，完全冇諗過條路點行，因為上年係我腦海都楂過去接太陽哥哥放工，諗住實冇問題，點知諗住走時．．．死喇，我出完獅隧點去紅隧？？我上次又係點去既呢？先醒起，原來個次我係由青衣出發而唔係由中大出發架！oh my god！（http://hk.myblog.yahoo.com/aquarius-givens/article?mid=739）！
即刻問同事求救，佢講左好耐，出獅隧後要上三條天橋先去到紅隧口，雖然上天橋唔難，但呢個時候多車，佢話唔熟路既話，怕我預計唔到幾時要過定邊條線，又怕我被車迫左去第二條線返左落旺角等等．．．講下講下，已經六點幾，未必趕得切係太陽哥哥離開公司時去到喎；同事建議我行東隧，但一條我未行過的路，淆晒底啦！
但由於已唔夠時間，加上佢話行東隧七八個字就到，雖然貴ｄ，但既然唔想遲到，就決定忘記剛才所研究既野，重新聽過條新路！又講左一輪，大致上都冇咩問題，係講到出東隧口，同事唔知應該點教我去返太古坊，因為出東隧後會去到太古城，對一個唔識路既人黎講，好難係太古城調返轉兜返入太古坊；後尾靈機一觸，佢叫我唔好入太古城，入北角，兜少少路，但就係我熟悉的紅隧東區走廊的路線，一聽到咁，我都好有信心呢！
出發了，有ｄ落兩．．．一路跟住"九龍(東)"，easy啦！
九龍(東)、九龍(東))、九龍(東)．．．
大老山隧道喇～～
出黎就係觀塘個頭，條路雖長但好順！
跟住香港(東)、香港(東))、香港(東)咁去．．．以前楂車，我都係咁記路牌指示黎楂既，所以咩街名咩建築物咩，sorry呀，我係認唔到架，哈哈！
東區海底隧道喇～～
記住出北角，yeah！
跟住係渣華道再出返英皇道，好熟口面呢！
前面咪太古坊，安全到步，一步都冇行錯，好叻女呢！
拍低左太陽哥哥的反應：
太陽哥哥一見到我時，都話我好叻女呀，因為佢知我係路痴加騰雞！但原來佢估到我有車呀，因為我唔係地鐵站等佢，仲有呀，佢見我睇過地圖，oh no！
不過，佢都好開心，仲讚左我幾次好叻！
太陽哥哥未知我楂車黎時，諗住話去蘇豪區食既；但楂左車就唔方便，我地就去左天后，泊好咪標位後，就睇下有咩食，佢有叫去ｄ意大利餐廳咁，或者日本野，但望落好似唔太化算，我就建議食平ｄ，因為聽晚我地都會去數碼港食自助餐，聽晚先係正日，今晚旨在有架車周圍去下過十二點，食咩冇所謂啦！
最後係呢間 Happy Kitchen 既餐廳食，貪佢 happy happy ，幾開心呀！ｄ野食又幾好味喎！
之後到太陽哥哥楂車時間，佢帶我去左蘇豪同蘭桂芳"及"女，平時楂的士佢都有黎呢度等客架喎！
跟住去左山頂～～
上埋最高個度，點知個view麻麻，個亭又封左，一個人都冇，好驚，企左唔夠一分鐘就閃啦！
之後渣返去金鐘個頭，中銀國金等大廈都好清好靚，都唔似三號風球丫！
想去皇后碼頭，點知又封左，就去左灣仔碼頭！
對面岸的尖沙咀，鐘樓同文化中心都影到呢！
途中見到幾攪笑的自訂車牌，點解唔叫 HULALA 或者 WAHAHA 呢，哈哈！
最後一站，返旺角食糖水，去左石磨坊，但我個芝麻糊真麻麻地，太陽哥哥個燉蛋白就唔錯！
沒有留言:
張貼留言