我估大部份人係尋日下晝，已經不停收到消息話聽日會掛九號風球唔洗返工，我當然都唔例外，MSN係咁收message，又話咩天文台最新消息，又話咩船務公司第一手資料等；所以尋日放工前，已suppose今日係唔洗返工，狂settle晒今日應要處理的工作！
既然今日係唔洗返工，我尋晚放part-time時不知心情幾興奮，平時會好攰好謝架麻，仲諗住返到屋企一於煲劇煲通頂添！點知返到去，又收到好多朋友消息話明天掛八號機會不大，連yahoo都咁寫，即刻啞左．．．最終點半就去訓覺了．．．
點知今朝七點半，起身見到八號風球！oh shit！早知尋晚煲劇啦，激死！可能太激氣，訓唔返，媽咪問左樓下茶餐廳已開左爐會營業，我地就去食早餐同買餸啦！
天氣好涼爽，晨早起床嘆早餐，好耐冇試過，食左個好豐富既早餐加杯茶走，正！
跟住去街市買餸，未到八點，但都好多新鮮貨呀，唔係打風會好少野剩跟住會賣好貴既咩？真係擔心佢地趕唔切賣晒所有野回本呀！
可能仲早，街市唔算多人，賣既野亦冇特別貴．．．找到我媽咪嗎？哈哈！
回家途中，看見長長的的士泊係街，冇得開工，真慘！
我家樓下的轉彎位係相當食風架，睇下我媽咪被吹到．．．哈哈！
開始黎料了，速逃回家！
沒有留言:
張貼留言