真係唔好彩，今日同太陽哥哥請左假慶祝，點知打八號風球，仲要係全日，借左車都去唔到邊，我地計劃左下晝去買禮物，夜晚去食buffet架麻．．．好在尋晚遊左車河咋！
最終都係係屋企追返ｄ無線劇集，聽到黃昏時分會改掛三號，我地訂左數碼港間酒店食buffet架，但諗落特登渣車過海只食個buffet唔太化算，又冇得行街，加上天氣仲唔太穩定，我唔想上車落車成身濕晒呀，最終都冇去，留返下次先！
而我地既晚餐，就係罐頭湯同公仔麵咋，太陽哥哥煮既，我一向叫佢地做"愛之湯"同"愛之麵"囉！
咁就同太陽哥哥過左兩年了，時間過得好快，我一路希望可以成為同太陽哥哥拍拖最耐既女仔架，而家排到第二位啦，就快到目標，好開心呢，哈哈！其實呢兩年，我地經歷左好多，唔止開心，仲有唔開心，兼有ｄ大風雨都試過；太陽哥哥曾經講過，人地經歷十年既野，我地係一年已經經歷晒咁！其實兩個人一齊相愛相處，真係好大學問，自問仲係學緊，仲係初哥；點樣去愛對方，我都未完全掌握到，希望我地可以堅時到底，珍惜同愛護對方啦！
沒有留言:
張貼留言