八月真係好多朋友生日呀，其中一位係BEN，我地今日仲去佢屋企玩添，不過呢個聚會約得好攪笑，因為係BEN約我地架，佢話為慶祝佢生日，誠邀我地去佢屋企玩日，重頭戲係佢想煮餐飯比佢呢班好朋友食！其實呢樣野我個幾月前已聽佢講過，佢仲show過兩本烹飪書我睇，堅架！跟住佢weekend一得閒就煮，就係為左今日！
去天水圍前，先去青衣城拎尋日訂好的蛋糕！
入天水圍途中，個天真係好靚好靚，每次一經過青馬大橋我都會好興奮，因為好似去緊機場咁，去緊機場就好似去緊搭飛機去旅行咁，係咪好值得興奮呢？
BEN屋企我都黎過幾次架啦，不過近年都冇黎過，實在太遠喇．．．今日黎到發覺多左張按摩椅，我都忍唔住做左個三十分鐘療程，哈哈！碌上碌落同"揼"function就非常舒服，但我就唔太頂得順個"摙"function，好鬼痛！
影下BEN屋企比大家睇下先，八百幾呎都幾大架；廚房雖然唔係我渴望的雙洗手盤，但我都鐘意，因為夠方夠大，可以企多幾個人！另外廁所都鐘意，因為將主人房的廁所合拼埋，兩個變一個，又好大了！
個蛋糕係我負責買既，載滿生果既芝士蛋糕，好足料，特登揀黎慰勞返BEN的心意！祝壽星仔生日快樂！
個個都要同壽星仔影相先好意頭架麻，我仲要影兩張先double意頭添，哈哈！
跟住打機既打機，四方城既四方城．．．
另一邊廂，大廚已蓄勢待發．．．食譜已貼好係廚櫃上，真係好認真喎！
大廚今晚主菜係豉椒雞同麻婆豆腐，斬雞中．．．斬到忽大舊，忽細舊，笑死我呢個小助手！不過真係好難斬！
我係小助手呢，咁岩我件衫好似圍裙呀，哈哈！
cooking中．．．
登、登、登、登！上面四碟係BEN整既，下面兩碟係斬料！
辛苦BEN了，影多次大合照連環快拍先！
BEN呢位朋友真係好唔話得，識左佢咁多年，有雷有義氣，我有咩事佢都會支持我同幫我，佢真係一個超級好人，亦係好朋友，好老師，好死黨！佢份人又正面又樂觀，教曉左我好多野，衷心希望佢快ｄ搵到佢既另一半，一個咁好的人，應該係有好報既！
沒有留言:
張貼留言