今日係四年一次既閏年，四年先一次喎，比起咩情人節呀、聖誕節呀、生日呀等，仲"京"貴仲值得慶祝啦，大家話係咪？
我同太陽哥哥約左去銅鑼灣，我等佢放工，先去citisuper行下，心血來潮想睇下個超市有冇咩日本野買，點知．．．比我見到我鐘意飲的bikkle同suntory既西柚汁，個刻真係好開心，好似去返一月北海道旅行時咁！聽victor講過香港有bikkle買，但唔知連suntory西柚汁都有；香港有得買，咁間唔中買下就可當去左日本了！哈哈！
經過royce，又有新發現．．．new item？咪我係日本時都買左囉！一早食左頭啖湯，好型呢！哈哈！
晚飯去左食味千，點知撞破左太陽哥哥同事matt同女仔dating呢！嘻嘻！
happy friday加閏年，行夜ｄ都唔怕啦！我地去左行ikea，跟住sogo超市，係sogo門口撞到牛扒哥哥同粟米姐姐呢！嚇死呀！！
落到sogo超市又睇下有冇咩係日本見過而呢度都有得買先！嘩．．．多囉，仲多過citisuper！粟米湯呀．．．太陽哥哥買左成十罐咁重咁拎返黎，以後唔洗咁晒腳骨力了！
又有suntory西柚汁．．．大細杯麵．．．可惜有milk seafood同cheese curry味，唔知幾時香港先有得買呢？？
夕張蜜瓜汁．．．真係好有親切感，好似飛左返北海道咁呀！
好得意既戒煙糖，唔知work唔work呢？？
今日真係幾開心，行到唔捨得離開個supermarket，因為一走就會見返繁忙既香港街頭，我身在北海道夢就要醒．．．我地行呀行，行到去灣仔先搭巴士返屋企，仲第一次見到灣仔泰妃雞的所在地，但呢度我都唔識行黎，黎到食既機會應該好少了！
