丁媽媽

2007年6月25日星期一

2007-06-25 (Mon) 小動物

呢排發現好多小動物，食茘枝時見到的，大家真係要望清楚先食落口！

呢個樽係媽咪裝住消暑的冬瓜水，但飲完放左係廚房，我視線範圍見到有野郁吓郁吓，一望之下，嚇到大叫！係媽咪消滅佢之前，拍低了相片同短片與大家共勉之！

好在這世上還有得人喜愛的小動物，我很喜愛灰色懂一字碼的那隻！

2007年6月24日星期日

2007-06-24 (Sun) 交換禮物

有新衫，太陽哥哥送我的，不過係我自己揀；有新headphone，我送太陽哥哥的，佢個個壞了，係我特登買個新的給他的！又打去hotline問，又去豐澤睇過，諗落都係原裝穩陣，都係打返hotline攞貨，點知仲要訂同去拎．．．希望佢感受到我的心意啦！

呢兩天只係食飯睇戲，睇了"戲王之王"同"跟蹤"，前者都係為睇阿Sa，不過麻麻地；後者反而有ｄ意外！不過都唔及"綁架"好看！

www.simplyactors.com

www.eyeinthesky.com.hk

呢排買了咁多野比媽咪，驚細妹呷醋，好想買返ｄ野比佢，就揀呢個Buzzlightyear passport holder啦！我個chip n dale 都好堅，勁鐘意！

仲有心意咭仔，諗住送比姊妹的，您地睇到就．．．單聲我聽想要邊款啦，手快有手慢冇，哈哈！

最後出場係我新買的．．．太陽眼鏡，型嗎？講價講到好似係深圳shopping咁，十足遊客咁，原來香港越來越大陸了，哈哈！又原來，兩個人傻吓傻吓，間中發吓癲，係好開心的！好耐未試過大熱天時，行街行到咁好玩咁開心了！

2007年6月22日星期五

2007-06-22 (Fri) 囡囡Day

今日媽咪唔返工，改聽日先返，咁可以陪我，仲唔係"囡囡Day"？Yeah！！我地又去左青衣城，因為呢個係唯一我較為去到的地方，哈哈！

今日好豐富，我地先去飲下午茶，媽咪咁好陪我，梗係我請客啦，任叫任食，兩個人，叫個六個點心，勁．．．係勁飽！！

之後行左幾間舖頭，我一心想買本相簿，係for碌齡friend既，因為一早已用完，唔夠入，其實每類的人，我都用唔同公仔的相簿，而碌齡friend我一向用開大口仔，但大口仔ｄ現貨真係唔靚，好淡色，又唔cute，令我好猶豫買定唔買好．．．連靚仔售貨員哥哥都問我：乜咁頭痕呀？您諗左好耐囉喎，好難揀咩？但我唔想再拖啦，好想買到，售貨員哥哥就係咁拎其他款我揀，後來見到本keropi，吸引我係因為佢ｄ顏色好colourful，岩我心意！而我印象keropi同大口仔都係讀書時期差唔多時期出的，心諗：買黎放碌齡fd相都唔會咁易同第二類人撈亂姐，最緊要易認！所以就扑鎚啦！另外，我仲買左個monchichi鎖匙扣比媽咪！

跟住去左豐澤搵媽咪個契仔-sony仔吹水，仲有個豐澤仔，佢地真係同媽咪好friend！乜都傾一餐，sony仔仲同我地分享佢剛剛失戀，好唔開心，佢講返佢個段戀情，愛得好轟烈，仲講到眼紅紅兼眼濕濕，我都打左個突，我以為佢好花靚仔，點知原來咁痴情同長情呀，媽咪聽到都眼濕濕添，仲叫佢唔好喊，堅強ｄ，真係愛仔心切！不過sony仔咁既表現，都令我對佢改觀左；豐澤仔仲大爆，話佢真係好傷，前排做做下野，試過忍唔住踎低流眼淚．．．真係聽者心酦．．．我地就咁就吹左半個鐘水，都幾開心！

之後睇衫，我原本想買件波波裙，但細碼都鬆，驚走光呀，不過最重要係有ｄ似．．．小鳳姐！哈哈！最終我冇斬獲，但我就揀左件衫比媽咪，又係我送比佢添，氹到佢不知幾開心！

跟住我地行零食物語，媽咪買左ｄ零食比為食妹！行行下又口痕，去左"滾滾紅茶"食下午茶，好飽呀！您地睇我媽咪幾鬼馬！！

食完又繼續行，今日ｄ衫舖差不多比我地睇晒！行行下睇睇個錶，嘩！八點喇！我地係青衣城竟然蒲左五個幾鐘！！係時候返屋企lu，由於我地都食埋"晚飯"，但驚夜ｄ肚餓，同細妹都要食野，我地就買左想試左好耐既每日鮮製既"美心彈蛋糕"！

食後感係．．．好麻麻地呀．．．大家可睇下算啦！

今日既"囡囡Day"真係好豐盛，除左節目豐富外(雖然只係係商場行吓咁)，最緊要係媽咪只陪我一個人，冇細佬細妹份，嘻嘻！令我有種．．．我細個時細佬妹仲未出世，只得我霸佔住父母所有時間的感覺，so sweet！！

2007年6月20日星期三

2007-06-21 (Thu) Honey Cake

太陽哥哥久不久會買給我的蜜糖蛋糕，要特別記低係因為今次是大盒裝；最重要係佢係街度做緊PT時買給我的，大熱天時，買完仲要繼續行行行咁做野．．．好大的心意呢！

有位auntie送來的水果，有我喜歡的車厘子，屋企頓時多左好多食物呀！

2007-06-20 (Wed) 覆診之五

以下係呢兩天跟醫生的電郵通訊，我貓埋張相佢睇，最後決定提早一個星期去見佢！

From: GC
Sent: 18 June 2007 19:10
To: MWN
Subject: Enquiry on my right leg
Importance: High

Dear Prof. Wong,

I'm Cheung Ka Yan Givens, who did an operation on my right leg.

After appointment with you last Wed, I found that my leg was a bit "curve" again. Maybe there's no more bandage to fix it like last month? As my next appointment is next Wed, please refer to the attached photo and see if I've to meet you earlier. Thanks.

Givens

From: MWN Wong
Sent: Monday, June 18, 2007 8:06 PM
To: GC
Subject: RE: Enquiry on my right leg

Dear Givens,

It looks like you have got an early recurrence. Application of a splint may help to keep the position better, as the healing scar may continue to pull the toe sideway. I can mail you the prescription to have the splint made, or you can come on Wed to collect the prescription and have the splint made. Please let me know which way you prefer.

Margaret WN Wong

From: GC
Sent: 18 June 2007 22:18
To: 'MWN Wong'
Subject: RE: Enquiry on my right leg

Dear Prof. Wong,

Let me come to visit you on Wed (20/6), at 11:30 a.m. as before?

By the way, after having the splint made, can I still wear my 人字拖 which I'm wearing now? Or I've to bring another shoes? Thanks.

Givens

From: MWN Wong
Sent: Monday, June 19, 2007 11:10 AM
To: GC
Subject: RE: Enquiry on my right leg

Dear Givens，

I got an automatic on leave reply yesterday and thought you did not receive my message.

The problem with the splint is it does not allow normal walking and wearing shoes. You may still be able to put on your sandals, but as it is hard, it will hurt walking on it.

Did I give you the XR form for next week's visit? You can take it this Wed at the XR department at around 11-11:15am. No need to come early for the XR, as I probably can only see you 11:45 to 12 noon.

See you tomorrow.

MWN Wong

今日好遺憾，我係唔記得帶相機，我係極度失望加失落！！加上今日照X-Ray，影唔到．．．宜家等我盡量表達醫生的話啦！

醫生話肉眼睇，我隻腳係真係似彎返咁，但從X-Ray睇，腳趾公既彎度係十幾度，而我未做手術時係三十度，即係話，手術後係改善左；從X-Ray我都睇到，只係舊骨同最外圍中間，隔著一個距離，都幾明顯，因為厚過另一隻腳好多，呢個部份係軟組織，係因為呢舊軟組織厚左，所以先導致個彎位（百足開刀位）望落去好似大舊返咁，軟組織會慢慢收縮返，但時間不定，希望到時好ｄ喎；而為左防止個角度會惡化，我需要用一ｄ工具協助：

左邊係夜晚戴的，右邊平時出街戴的，但我現時只可著人字拖，所以到時用要用醫生膠布連腳趾公包住，咁就唔會甩出黎！其實我開頭都未醫生個電郵嚇親，佢話覆診整完會影響行唔到路同著唔到鞋，原來只係指夜晚訓覺時姐！

呢兩舊野貴囉，四百大元，仲有另外義肢部醫生上黎診斷我，診金五百，今日照X-Ray三百八十元，我個主診醫生診金一千元，今日就用左二千多元喇！其實義肢部醫生話呢兩舊野係出面都買到，問我自己買定係佢比埋我，我梗係楝後者啦，咁先claim到錢，自己出去買，到時邊個claim返比我．．．

影唔到相真係唔抵，希望下次有機會影返啦．．．

2007年6月19日星期二

2007-06-19 (Tue) 太陽哥哥給我的畫

呢張係太陽哥哥畫給我的畫，其實鉛筆稿我未做手術時佢已畫好，因為我係醫院個幾日，佢都帶埋laptop黎填顏色；填顏色真係好花時間，逐條線逐條線勾返出黎，跟住上色架；出院後個一個月，佢日日放工黎陪我，禮拜六日又係陪我，攪到佢無咩時間畫，佢話盡量每日係公司食快ｄlunch，淨返半個鐘畫，佢好驚唔夠時間，到我好返返工都未畫好！聽到佢咁講，好感動呢！

呢幅係完成了八九成的畫，仲有些少，但由於技術性關係仍需一點時間，我叫佢慢慢唔使急，佢既心意我已收到晒啦！不過就忍唔住先跟大家分享！諗返佢初初畫完個鉛筆稿，比過我細妹睇，我問咩黎，佢就唔肯比我睇；但後來，可能開心得滯，又問我係咪想睇，其實係自己好滿意，就忍唔住，想我睇，哈哈！開頭我都忍住唔睇架，因為驚到時見到顏色完成圖時唔驚喜；但見佢係醫院油時遮遮掩掩，我都忍唔住睇左啦！雖然宜家再睇顏色圖，但唔會冇晒驚喜，因為上左色同未上色係兩樣野，sharp好多，只要佢油得好colourful，我就會覺得：嘩，好靚呀！哈哈！

多謝您呀baby！

2007年6月18日星期一

2007-06-18 (Mon) "韓食家"做節 & 碌齡

今日輪到我屋企端午做節，太陽哥哥就趕唔切黎，因為媽咪岩岩介紹左份PT佢做，幾好的，行五十間萬寧就有四位數字人工，車費仲另計添！要加油呀！

原本媽咪又想去金潮小廚，但我地好唔想去，因為獲獲訂左都要等，又迫又多人；我地提議食韓國餐 - "韓食家"，因為開左好耐都未試過，"唉"左一輪媽咪先肯，因為佢開頭堅持做節要食中菜，好彩最後成功！

我覺得幾好味呀，可能新鮮，食得又舒服同好飽，我地叫左個Q版韓燒餐，幾得意架，仲有前菜，石頭鍋飯兩個，牛肋骨飯，粉絲窩，辣豆腐湯．．．好多野食！

我同琪琪又研究個相機既連環快拍功能，影出黎好好笑！又係好開心的一餐！Yeah!! Yummy!!

之後琪琪係咁"唉"我去碌齡，其實我班朋友一早就約好佢，只係佢都想我陪佢去，但我知太陽哥哥呢幾日要做PT實去唔到，我又麻麻地，不過，琪琪都係我親細妹，佢想我去，我最終都比佢打動左；加上休又係咁話有車接送我，最緊要好齊人，去傾下偈見下面喎．．．

我都係碌左兩球就放棄啦，雖然好過上一次，但真係大失水準，助跑唔到，碌得差好多，一係落坑，佢地又係度比賽，費時拉低佢地ｄ分啦！不過BEN好勁，有舖連中五個X，所以好高分！

雖然我冇得碌，但佢地都有陪我玩，影左好多連環快拍攪笑相！分別係BEN的發姣交叉開屏照，滾動大葫蘆照(呢張係我既至愛)，飛撲落水照，搖擺蝶式照(但我一ｄ都發覺唔到佢有搖擺到囉．．．我諗佢太肥啦．．．

)；仲有明記的常在心照，同KAREN的扭腰照！

我地仲玩左一個改良自"木頭公仔唔準郁唔準笑唔準呱呱叫"既引人笑遊戲，仲比賽添，主力係我同琪琪引佢地笑，佢地要鬥忍住唔好笑，好好玩，好好笑，哈哈，去片！！

2007年6月17日星期日

2007-06-17(Sun) 父親節 & 太陽哥哥的衣櫃

係常平返落黎就同太陽爸爸慶祝父親節，呢餐仲係當埋端午做節，無乜特別，只係係屋企樓下酒樓食晚飯，不過都好開心！

太陽哥哥的衣櫃，哈哈！

2007年6月16日星期六

2007-06-16 (Sat) 東莞常平滿月酒

太陽家的朋友係常平擺滿月酒，太陽哥哥跟媽媽一齊去，叫埋我去，由於對方家都算有米之人，出入有晒專車接送親朋戚友，所以我都一齊去！

滿月BB叫"幸怡"，佢爸爸叫阿細，阿細哥哥叫阿仔，阿細同阿仔係太陽哥哥由細玩到大的朋友；到阿細阿仔父母，叫邵生邵太，邵生以前係武夷山開酒樓，叫自己個仔阿細同太陽哥哥去幫手，個年幾太陽哥哥就係武夷山做野喇；邵生哥哥就叫大邵生啦，大邵生有女有仔，就叫邵小姐同邵少爺啦，太陽媽媽上司就係邵小姐，太陽媽媽有位同事兼朋友兼雀友，就係邵少爺個老婆！呢個關係圖終於係今日攪清楚晒，之前太陽哥哥佢地講，撈到亂晒龍，今次見埋真正的主角們，見到樣，易認易明好多！哈哈！

到步後，大人就打牌，我地年青人就去玩BB，BB雖然一個月，但佢對鏡頭好敏感，有好多表情，有微笑有瞇眼笑有驚嚇有伸脷，總之好趣怪啦！睇黎佢都好鐘意我地，都冇喊過！呢次係我跟太陽哥哥第一次抱住BB影相，都幾有family feel呀，係咪？我諗下諗下，可能生一個都好喎！哈哈！

阿細就係度整父親節蛋糕，太陽哥哥都有幫手架，我就負責．．．影相！

仲有個BB沖涼環節，使唔使咁多隻手係度一齊沖呀？驟眼望去，BB好似男仔咁喎．．．但佢係女仔黎架，可能係ｄ水波既錯覺啦！

晚上就去左新世紀酒店入面間酒樓食飯，共三圍，好多道菜，係大陸有咁既水準，好唔錯啦！

跟住我地去左富豪酒店按腳，先用水浸住雙腳，有得揀鹽水或藥水，浸時就幫您按摩頭同背，仲有手，跟住腳．．．按完仲會幫您敷住膝頭哥，有得揀鹽包或彊包．．．全程兩個多小時，好舒服，我對腳比佢按完，仲舒服過之前呢，可能之前做手術時紮住好耐啦．．．

返到去已經凌晨點幾，我地叫串燒外賣，聽佢地講係好好味既，一到步個個都話記得今晚要試，攪到我都好期待；我係電話聽到佢地order三十串牛，三十串雞腎，我即刻打個突，咁多點食呀？但佢地話係超細串，一啖仔為之一串！外賣到後，真係好細串呀！哈哈！其餘仲有雞腳雞翼雞肶，最特別有茄子串同好似鬍鬚既韮菜串，好似好怪咁，但一食，又唔錯喎！睇黎，上面真係乜都可以燒一餐！