今年餐母親節飯, 心血來潮諗住搵埋小丁丁契爺契媽+呀仔父母一齊上船食海鮮, 諗住八個人very fit; 跟住呀仔細佬會join, hazel 父母都join, 攪攪下爆船, 因為最多十個人咋, 哈哈! 轉戰西貢勝記食, 多得契爺契媽去大埔買靚海鮮, 跟住拎黎煮, 再試下勝記d 撚手小菜, 岩晒食唔到海鮮既我; 呢餐16人先食左四千多, 抵呀!
多得契爺契媽係大坑買左 Mimosa 黎, 令我有機會品嘗到超好味的拿破崙蛋糕, 真係好正! 太陽媽媽見我食野最開心, 成日話我食得少, 仲分左佢個半舊我食, 我真係全部食晒呀!
大出血呀!
細妹話上網有好多人包括名星話 Enary @ 9° Beauty 的牌子好用, 最正係支用作收縮水的 mild moisture lotion, 拍得住 SKII 神仙水, 但只需一半價錢 (Enary $480/150ml & SKII $1080 / 215ml) 支lotion有獨家甲殼素成份, 對暗瘡暗粒有其見效! 我有左bb後出左好多粒粒呀, 跟住變左好多印, 我本身都想買支 SKII 神仙水試, 搵到朋友有staff discount 添, 但要等到下個月先有; 既然今日去開中環, 忍唔住去買 Enary 先, 因為只得置地 Harvey Nichols 有得買架咋!
一心諗住買 cleansing gel ($300) + lotion ($460), 都好合理價錢丫, .點知.........
買左最底套set 裝, 有 lotion+eye gel+cream, 但冇cleansing gel, 要另外再配, 所以我買左成 $2700; 再幫細妹買多支lotion, 埋單單過了三千!
不過又好開心呀, 其實係支eye gel+cream好貴, 每支都過千, 不過我試過, 又真係好正, 同埋用好少就搽到好大範圍, 我相信最少用到半年至九個月! 加上原來enary得五款野, 我係差支essence 就買晒, 咁試晒一條line都ok呀! 嘻嘻!
今日又到QM產檢, 又可以同小丁丁見面啦; 不過QM部機真係冇林醫生個部咁強勁, 全個過程只得 Dr. Li 及太陽哥哥可以望到個mon, 我就訓係度, 好難睇到, 而最後醫生比我的2張超聲波相, 都冇咩特別; 今日比晒中大及林醫生d 報名比 Dr. Li, 佢都話我入面有三個6cm既物體都幾大, 但都建議觀察住先, 雖然可以微創做手術消滅其中兩個水泡, 但要全身麻醉兼有機會小產, 佢建議等埋六月頭林醫生超小丁丁結構時份報告先!
另外, 值得一提係今朝訓醒, 見到肚的左邊隆起左, 係小丁丁呀! 好在太陽哥哥都見證到呢個moment, 我地都覺得好得意好攪笑呀!
見完小丁丁, Dr. Li 話佢發育得好正常, 我同太陽哥哥都好開心; 返落中環去 Baby Gap 行街, 因為細妹話宜家八折呀, 咁咪可以買上個月睇中件衫仔囉! 點知去到冇左件衫仔, 反而太陽哥哥睇中呢件牛仔布衫仔, 我就覺得顏色有點沉, 不過既然做爸爸都咁想買, 我又點捨得阻止, 難得佢咁錫小丁丁喎, 佢仲揀得好仔細呢! 嘻嘻! 
呢度d BB 野真係好cute! 
我自己就係女裝睇中左款tee, 因為d 衫都開始唔岩啦, 想買舒服+薄身料, summer 都黎緊啦麻! 最鍾意呢三隻色, 最後揀左兩件!
表姐一家去左台中旅行11天, 帶來了好靚包裝的鳳梨酥手信, 還有好特別的黑糖棒棒糖! 表姐同表姐年今晚十點三到, 我當時已準備訓覺, 不過同表姐傾計越傾越精神, 最後佢地成十一點九先走, 太陽哥哥仲未返到, 緣慳一面!
兩張名信片亦分別收到!
今晚去左風月堂食飯, 個甜品真係好正! ^^
細妹送的光波爐，盒都未拆足足擺左三個月；呢排成日執屋清野，佢終於被開封啦，因為個盒實在太大太阻地方！不過之後，我又用垃圾袋包好，放左佢入灶底，哈哈！
