丁媽媽

2010年10月9日星期六

2010-10-09 (Sat) 中大開放日．陳記燒鵝

今日係中大開放日，八點就要返到黎集合啦；有幸為兩個 top programmes幫手，如果有留意開大學升邊個programme好的朋友，一睇就應該知邊兩個programmes啦！

兩個programmes的新leaflets & folders：

今日好多人呀，後尾先知統計話有六萬幾人黎左中大，上年先係二萬幾咋！

展覽室內：

演講廳內～～每個programme全日只有兩場talk，所以場場爆滿，呢個 LT 其實只有 98個位，我地係有得加的地方都加左櫈；跟住連樓梯位都坐埋，企到既位置都企埋，最後場場都過二百人，簡直迫爆大講堂！

呢個只係入口，都一樣企爆，完全望唔到講台，幾癲～～其實個talk 開show前三十分鐘已經開始排隊架啦，好鬼誇！

米奇手掌，我地拎黎玩，仲影左幾張相留念！

六點幾時忙住收拾，任美問我太陽哥哥係咪黎接我？見到佢係出面浮游緊喎．．．原來太陽哥哥己黎到，我叫佢幫手推車野上樓，跟住去我個位度坐住上住網等我攪埋ｄ手尾，最後七點放工．．．

先去沙田，行左宜家一轉，其實我對腳已經好攰，諗住等埋太陽哥哥朋友，點知佢黎唔切；我地跟住返荃灣，去千色店買野，兼係陳記燒鵝食晚飯。

今晚十二點就訓啦，係有史以黎假期都咁早上床的一晚，因為實在太攰了！

2010年10月8日星期五

2010-10-08 (Fri) 開放日前夕

聽日係學校一年一度開放日，今年仲會係返我地新教學大樓舉行，唔怕落雨問題，so good！

今日大家都忙於預備聽日的開放日，下午已經掛好大banner啦，呢個banner新整架，好sharp，一出火車站車望到！

門口的大蜘蛛架：

放工時任美話我個樣好殘呀，叫我快ｄ返去訓，其實我都覺得好攰，呢排都係咁，成日都好攰，聽日仲要朝八晚六．．．我真係乖乖即刻返屋企，仲冇同太陽哥哥出街食飯，反而佢買譚仔返黎一齊食呢！

2010年10月7日星期四

2010-10-07 (Thu) Lunch@馬鞍山曼谷

今日太太們帶我出去食 lunch，去左馬鞍山廣場的『曼谷』：

餐具都印有『曼谷』字眼：

牆上都釘上好細緻的泰式裝飾：

我地六個人，叫左個四人餐＋一碟餸，最後餸就食晒，反而剩左一碟飯！野食好好味呀，蝦餅最正，又熱又脆！

湯就好差喇，又咸又酸，下次會揀另一款湯！

甜品好抵，十蚊三款，正！

走時竟然比我見到鴨鴨coin bag，我唔係用黎裝 coins，只係想用黎裝咭，好鍾意呀！

2010年10月6日星期三

2010-10-06 (Wed) 再單身遊記 Eat Pray Love - 期待!!!

自我讀書時已愛上大口姐姐，佢一直係我多年來的偶像，佢有九成既戲我都睇晒架；雖然佢已為人母，但我依然覺得佢好靚，嘻嘻～～就算今年年頭套"緣滿情人節"得少少一段，我都唔放過架！

下星期就上佢套新戲『再單身遊記 Eat Pray Love』，睇完簡介覺得呢套戲應該不錯的，應該會幾有意思兼帶點深度，人生的意義．．．Sometimes you have to risk everything, and let yourself......GO！真係要好有勇氣先做到呢，不過可咁樣去旅行一年咩都唔理，又似乎只係對ｄ無負擔兼有米既人的專利喎；我呢ｄ打工仔，又要養自己又要養家，都唔洗諗啦．．．點都好，自己做唔到，就去enjoy同投入係戲入面啦，好期待呀！

內容：

美滿婚姻、成功的事業、曼克頓的高尚公寓、令人艷羨的銀行存款．．．大概是每一個職業女性夢寐以求的理想生活，然而身在福中的 Liz（茱莉亞羅拔絲飾）卻對安穩的生活感到迷惘，事事順利的 Liz 卻感到若有所失，迷惑的她決定放手一搏，於是毅然結束令她疲憊不堪的關係，告別自己熟悉的安全網，孤身冒險踏上自我探索之旅，旅行一年好好犒賞自己。

第一站先到意大利羅馬，用味蕾跟各種美食談一場轟烈的戀愛，發掘食的樂趣；然後捧著新增的23磅肥肉踏足印度，展開自我探索之旅，在一所破舊廟宇中禪修冥想，放鬆三十多年來都繃得緊緊的身心；最後來到印尼峇里，在一片寧靜自然中尋找心靈上的平衡，尋覓愛的真締，好迎接仿似註定的命中真愛．．．

由真人真事改編，《再單身遊記》帶你放眼世界。