2009-06-04 (Thu) 端午節畫

呢幅係端午節假期太陽哥哥送我的畫，我同佢講：似我咩？我邊有咁大食喎．．．佢話唔係丫，好cute呀！

女仔梗係唯美主意啦，我講笑咁向佢投訴，我話覺得佢成日醜化我，又畫到我咁大食，有時又畫到我箍住佢係度蝦佢咁，成個野蠻女友咁；但成日蝦我個個根本係佢自己，佢只係將佢自己真正個一面投射到落我身上啫！哈哈～～

太陽哥哥強調，佢有畫埋我鍾意食既冬菇喎！大家搵唔搵到呢？哈哈～～

我又問太陽哥哥：嘩，佢食到冇腰既，我邊有咁肥咁漲呀？
太陽哥哥答道：其實下面個度唔洗留意架，漫畫呀．．．睇到呢度(如下)就夠架喇！

2009-06-03 (Wed) Dinner @ 扒王之王

跟Rainy好耐好耐冇見面啦，除左每年我都有寄聖誕咭比佢，同埋生日send SMS比佢，我地大約接近三年冇見啦！佢之前打中文超慢所以唔玩msn，近年打快左，加上宜家份工可以msn，促使我地多左話題同約出黎見面！

大家都係青衣人，就約係青衣城啦！想揀個地方可坐耐ｄ，就去左扒王之王；其實呢度都好有紀念意義架，上一次我地傾計食飯，又係呢度呢！

我地一齊都叫左龍蝦拼牛柳，勁好味呀！

覺得勁好味唔知係咪心情靚呢？我地由七點三食到十點三，足足三個鐘呀！好多野講、好多野分享，Rainy知我好多野架，大家都有好多野要update呢！

我地相約要多ｄ再見面先得！

2009-06-02 (Tue) 出色的袖珍精品

上次同太陽哥哥去荷里活廣場，經過一間玩具店，見到好出色既袖珍精品！

影左張大相後，諗住逐檔逐檔再影啦，點知影左三張，就被店員阻止了，激死人！我仲未影ｄ煲仔飯close-up架，都唔明冇咩咁大了了要唔比人影相呢？

之後有日又去左旺角信和，係一間路口舖位，我又見到兩個透明格放左呢ｄ袖珍精品，有次仲有好多款式呢！今次我問老闆可唔可以影相呀？老闆話：本身就唔得既，不過見您咁有禮貌，比您影啦！哈哈～～真開心！

全部都係街邊小販野食同路面熟食檔，今次可放心逐張影啦！

ｄ手工真係造得好仔細呀，唔知咩人整既呢，咁細粒實睇到眼都懞．．．我估佢實有近視啫！

2009-06-01 (Mon) Precious Moments 結婚禮物

今日一早就收到Wendy送的Precious Moments 結婚公仔！

Wendy因為黎唔到我婚禮，特地買了份禮物送比我，預祝我結婚後幸福快樂！ 女仔的小婚紗真係好靚呀！

臉頰旁的豬腸"的碎"，我玩了好多次呢！抆低去再彈起，好攪笑呀！哈哈～～ 個大髻都好時髦，見過宜家ｄ新娘都有呢款造型呢！前陰頭髮亦有短有長，有layer架，好摩登！

綁係手上的花花亦很別緻！

男仔的踢死免好型呀！

跟Wendy黎返張合照先，真係多謝佢喇！佢本身唔係我地office架，都咁有心，好好人呢！

由於對女仔太愛不釋手，係咁研究佢身上所有部位，發現佢係著平底鞋既，但結婚唔係著高踭鞋既咩？研究下亦發現件婚紗係可以除出黎架，可惜都唔岩我隻chip n dale著啦！另外，原來佢仲有底底架，果真一絲不苟呀！哈哈～～

條底底仲可以．．．除架！！！哈哈哈哈～～～～