今日好開心呀，一班好朋友黎探我，開頭佢地話黎我屋企，我驚驚地架，唔係唔歡迎佢地，係我屋企好細，同埋冇野玩，驚到時您望我，我望您咁，悶親佢地，呢樣擔心，SaSa就最清楚，但佢地堅持話唔介意，因為只係想見我，咁就夠，咁冧的原因，點可以托手踭呢！
開頭話係我屋企叫外賣架，但我驚佢地係我屋企會迫親太長時間，諗諗下不如去青衣城食lunch先啦，最重要係我隻腳都行到，係行得慢ｄ姐，但為左能同班咁好的朋友食餐好ｄ同食得舒服ｄ，我行耐少少又有咩問題呢？嘻嘻！
我就係阿拉廚房訂左間房，呢度自成一角，好似屬於我地既小天地咁！呢餐真係食得好舒服，特別好味的，相信在座咁多位朋友都有同感！
跟住我地改玩"有口難言"，我真係冇諗過會玩得咁開心，之前同朋友玩都有ｄ悶，點知今日玩得勁high勁興奮，又係意料之外，可能今日多人熱鬧ｄ啦，叫都叫得大聲ｄ，一估中成team人真係好開心，係咁yeah！yeah！yeah！
BeBe：多謝您的design，一個好有意思的design，一棵樹，種出唔同的心心，就係您地個個對我既愛，好有意思，我會好好記住！仲有句：種善"恩"，得善果；您仲係MSN同我講，您想表達既意思係：您平時對我地有心意，我地錫您係您自己積出黎架！我真係有ｄ受之有愧之真呀！仲有個信封面，我個名比您攪到咁型，真係您先得，您唔洗有壓力，您都得架，唔好受人地影子影響！我錫晒您！
Elsa：多謝您今日咁心思細密的安排，我咁醒都比您厄到，您越來越大膽喇，成日講大話，咁係唔岩架，知唔知道？為左比華仔張咭我填，又為左要佢地個個有時間寫咭，攪到您騰黎騰去，真係唔好意思！您咁有心，尋晚四點先訓，晨早未訓覺就比您嘈醒，咁都抵呀！！
Olivia：您的字句係令我最感動既，因為您寫左好多心底裡既說話，唔好咁話自己啦，好傻呀！其實我都少左了解您，您讀書讀成點，同逹sir點，我都好少問，您宜家讀完添啦，所以千祈唔好咁話自己，咩慚愧喎，我地仲有好多時間去珍惜大家！
Yammy, Wah & Jimmy：要您地咁遠黎探我，真係唔好意思，我知您地十年都唔踏足青衣一步，真係攪到我．．．勁唔好意思．．．仲有Yammy的cake，好軟綿綿好好味！再整丫！嘻嘻！
To All：您地今日咁遠黎到探我，仲要請埋我同華仔食飯，真係唔好意思呀！多謝您地比左咁難忘既一天我，希望您地都玩得難忘，覺得值回票價！
"假如感激我運氣 不如多得有著你......這份愛願叫世間知己".......多謝咁多位好好好朋友呀！
睇黎，佢好想見到我同煮飯我食je！尋晚先一齊食完飯，今日又想見我啦，哈哈！