跟住旺角飲茶，我生日開心，就請大家飲啦，哈哈！
接住睇戲，係黑金同高海拔揀，最後揀左西片，因為平時太陽哥哥工作七天，睇西片實恰眼訓，難得今日佢訓到咁夠，西片好ｄ！套戲好好睇呀，緊湊+刺激！
之後坐巴士過銅鑼灣，行下街，係時代門口的情人節裝飾前，影了張大心心相！
太陽哥哥帶我去了特別地方食生日飯，係一座舊式唐樓的二樓，有間專食蠔的小餐廳"Su Casa"，搭life 時都有ｄ恐怖架；但入到去，又幾骨子，幾有情調！
餐廳內有個小露台，比食客出去食煙架！
呢度有超過廿款生蠔，由淡到濃味，每晚都有六款做買一送一；因為太陽哥哥唔食蠔，而我又想真正試下點食蠔食到由淡到濃法喎；但叫晒六款買一送一，有成十二隻，我又驚自己獨力一個食唔到喎；最後聽左侍應哥哥介紹，揀左第1, 3, 5, 6款！
我咁大個女，第一次由淡到濃味咁食蠔咋！八集真係岩岩好，好在冇叫足一打！個人覺得，頭兩款Mexico及Scotland都超好味，後兩款French就麻麻，太咸！
我食蠔時太陽哥哥就飲黑松露湯，最攪笑係成盤蠔放係檯中間時，佢話：好臭呀，您快ｄ食晒佢呀！
黑松露 Risotto and 鴨肝野菌Linguini：
叫了兩款甜品，法式燉蛋及心太軟：
太陽哥哥一直知我鍾意食蠔，但帶我去齋食蠔，佢知我實因為佢冇野食而拒絕，所以佢好有心咁搵左呢間餐廳，有蠔又有其他佢岩食既野，好感謝佢的體貼！
街度見到．．．有個男友放左個水樽係女友個褸帽入面，哈哈！
今日我地都有諗返一年前的今天點慶祝，就係係 High One 滑雪呀，仲係至高處鋸扒+影心心相！原來 2011 及 2012的生日，我地都有幸同大心心影相！
好懷念係 High One 滑雪呀！
沒有留言:
張貼留言