今日約左表姐一家試 Marriott Cafe 的 tea buffet，因為三點三先開始，見未夠鐘，Jayden又訓左；表姐就車我地去『中山紀念公園』玩；不過天氣實在太熱喇，玩左大約20分鐘就頂唔住走左啦！
因為太曬，我大部份時間都匿係陰間幫表姐夫同諾諾影相！嘻嘻～～
我同細妹都係第一次試 Marriott Cafe 的 tea buffet，因為成疊 coupons 都仲未用，但十月就到期啦；表姐講過話都幾抵食，唔好唔理ｄcoupons，今日就約埋一齊去；$260 for two，又真係超抵食呢，我淨係食象拔蚌刺生都食左十幾舊！
諾諾食到成面都係汁，叫我幫佢影相，仲擺埋晒ｄ古靈精怪既表情！
送左包有公仔既紙巾比諾諾，佢就好開心啦！
Jayden好為食，最鐘意食生果同餅乾，叫佢『餅怪』最岩不過！
食飽就到玩時間～～
琪琪帶左套 Toy Story 布偶公仔黎，又教諾諾用毛巾摺香蕉，氹到諾諾好開心，睇佢兩個不停係到喪笑(因為細妹係袋度拎完一隻又一隻)，傻架！經過今日玩得咁開心，諾諾應該唔會唔鍾意琪琪喇！
Jayden見到玩具又話要玩呀！
笑到好開心！
我用布偶同 Jayden 玩 clap clap clap，佢笑到好開心呀！
Jayden 亦好鍾意自己玩『放＋擺』：
一齊相處左幾個鐘後，Jayden 已同我地好friend啦，問佢恩恩呢琪琪呢？佢識指我地架！連我地行開去廁所都想喊，真有滿足感！
太陽哥哥放工後黎接我，我地三個坐表姐順風車去九龍塘，慳返ｄ過海錢！嘻嘻～～
沒有留言:
張貼留言