今日係2009年最後一日，一早約左表姐今日一齊飲茶，一年既最後一日喎，梗係要見下我個可愛小姨甥，加上表姐佢地聽日要去泰國九日旅行，有排都見唔到呀！
諾諾今日的新造型：
諾諾有個新水壺：
諾諾要同恩恩影相：
跟住諾諾自拍～～似乎每次同諾諾玩，呢幾個(幫恩恩影+自拍)都係指定動作！
飲完茶我地去shopping，諾諾見我地試鞋，佢又除鞋要試喎！笑死人呀～～
過去的幾年除夕夜，都會跟朋友出外倒數；但宜家有了自己屋企，加上天氣凍都唔想出戶外，所以就相約幾住朋友到家一齊倒數！休 & CW很有心地帶來了新年禮物，佢地知我鐘意子華，就送了WOW的禮物給我，我好喜歡呢！
除了2010 mouse pad，仲有呢個好攪笑的植物，會種出『WOW』字哥喎，真的咁神奇？！好期待呢！
今日仲有明記，佢地都係屋企裝修後第一次黎，所以都被我邀請拍影即影即有呀！
底片過期問題，所以也用相機拍了張，留待如我有興致的話，晒出來替代上面的！
我地既晚餐叫了板前＋PIZZA HUT，只係等了一個鐘，唔算耐了；只因我們九點幾先叫，所以十點幾先食囉！
開餐前影了連環快拍大合照～～
傾下計、食下野、睇下碟(休特登買的"極速賽車"+結婚DVD)、飲下野．．．倒數後繼續．．．到三點散band；沒同人出去迫的倒數，雖氣氛少ｄ，雖簡單ｄ，但都滿足，希望朋友們都感覺一樣！
2009年話咁快就成為歷史，呢年發生好多事呢；最大件當然係自己的人生大事啦，所以要同2009年 say goodbye，的確好不捨；希望2010年繼續開開心心，過得滿足、幸福、快樂、精彩！亦希望身邊的朋友們跟自己的祝福一樣，活得好、活得美！一齊加油、努力吧～～
沒有留言:
張貼留言