2009年12月18日 星期五

2009-12-18 (Fri) AMANI 粉底王.板前晚飯.馬仔月曆


自結婚Phoebe幫我化過幾次妝後,也覺得係時間要添置一些基本既化妝物品,好讓有需要時拿起手有得用,其次係間唔中都可以扮下靚麻!其實一路都唔急,Phoebe又係大忙人,諗住有時間先約佢出黎買,但因為近聖誕,我突然忽發其想,諗住買埋比細妹,咁咪買到份岩用又實用既聖誕禮物囉!所以就約左Phoebe聖誕前出黎買,諗落都係為左琪琪先約得咁急,唔係我真係慢慢買都未遲架!


粉底液即濕粉,Phoebe話唔怕肉赤就買ARMANI,因為佢係化妝界既『粉底王』,出名最薄最貼,楂左都唔覺!粉底係好重要既一環,唔似眼線筆呀遮瑕呀普通牌子都可以,既然咁重要,一係唔買,要買就買最好啦!


我地相約放工後係又一城等,臨放工問埋Yammy黎唔黎,佢都黎呀;我地三個一見面就雞啄唔斷,由於Phoebe時間有限,我地都快快行動,臨買野時梗係先黎個姊妹合照環節先啦!



  
   
   


我試完色等左陣琪琪都到,不消十五分鐘就消費左八百四十百元;買完後就分別了,我同細妹分別前先分贓,順道影下相!一路影一路都覺得好低B呢!哈哈~~



  
   
   


琪琪膚色比我白,用4號色,我就用5.5,所以兩樽一深一淺!我人生擁有的第一支『粉底王』,都想親細妹同我一齊擁有...希望琪琪鍾意呢份聖誕禮物啦!



還有Phoebe係學校幫我買的NARS eye shadow,一盒係cream狀,一盒係粉狀,都係啡tone色;因為我一搽有顏色既eye shadow我就接受唔到,好似紫呀藍呀綠呀咁,覺得成隻怪獸咁呀,都係近膚色既顏色最適合自己!咁楂左咪唔多覺?其實係架,但咁先最自然麻!哈哈~~



  
   
   


之後同太陽哥哥+明記+休係尖沙咀會合,我地身負重任,幫手去Tiffany買份重要禮物!但淨係等約齊人呢段時間,已經行到我腳都跛,因為我地都唔知邊度係1881?!我同太陽哥哥 & 明記都係第一次黎1881,個度好靚但好多人影相,所以我都冇心機影!開頭仲R晒頭咩1881呀?咁似disco名既?!


完成任務後去板前食壽司,成十點先開始食呀!



  
   
   


過晒食飯時間好耐啦,大家都勁肚餓,所以狂叫野食,淨係三文魚壽司都叫左18客即36件,但淨係得佢地三個男人食咋喎!



  
   
   


開餐啦~~



  
   
   


馬仔加印既月曆今日係天地優先發售,真係太幸運+太幸福了,因為...我呢本係尖沙咀店既最後一本黎架!


事綠今日放工要先去又一城既關係,原先約好太陽哥哥放工後到九龍塘月台等我先一齊過尖沙咀,點知到我走得時佢先去到金鐘站,咁我就叫佢唔好過黎九龍塘啦,直接係尖沙咀等啦!佢又早到喎,就先上去天地幫我買月曆,諗住爭取時間,唔洗到我黎到先一齊騰上去買,咁我黎到就可直接去join明記佢地啦!


就係咁...太陽哥哥話佢一踏入天地,見到有人係counter度拎起兩個月曆,跟住見到仲有一本,佢唔理三七廿一,即刻衝埋去拎起個一本先,之後再行勻成個天地都見唔到有擺出黎,售貨員姐姐話冇晒啦,想要就留電話等返貨啦!太陽哥哥仲話見到好多人係counter問仲有冇呀?幾時返貨呀?...如果唔係我叫太陽哥哥唔好過九龍塘等我...如果唔係佢早到上天地先...咁我肯定實買唔到!所以我咪覺得自己太幸運+太幸福囉!



  
   
   


沒有留言:

張貼留言