今日係聖誕最後一天假期啦，過得咁快真係唔捨得，所以有咩要做都要今日趕快去做；不過似乎連個天都唔想假期完咁，今日開始落雨，落雨出街真係好麻煩呀！
我地先去旺角，要去拎返結婚當日既DVD，今晚又有野睇啦！
不過梗係要醫肚先啦，去左花園街食明記車仔麵，呢度ｄ豬紅真係 no.1，又滑又入味！
黎花園街另一重要事項係去卓悅換返上次買錯既保濕 gel，呢個gel係用黎上粉底前搽架，Phoebe教路實掂，仲送左ｄsample呢！
拎埋DVD後，我地去旺角行左陣，仲去左中電扮睇爐，實質就想搵真人教我地個電磁爐點用，雖然有說明書，但點及真人示範丫，live教梗係入腦ｄ，係咪先？
跟住就去左尖沙咀join埋Vivian同佢老公去Addidas，太陽哥哥話佢地有coupon，今日買野有折；不過我冇野岩，太陽哥哥就買左對新波鞋！
買完都四點了，因為戶外落緊雨，都唔想行黎行去，我地就返青衣城 hea，反正要睇七點場！hea唔得耐就決定食早飯，五點半就去食板前，好快有位，正！
跟住就睇『神探福爾摩斯』，未睇我已知我實會恰眼訓，因為頭先由尖沙咀返黎時已中眼訓，跟住仲行咁耐 hea喎，加上我對偵探片好麻麻，睇係因為有買一送一著，$55兩張飛，真係好抵麻！
我諗我恰左十五分鐘啦，對呢套戲冇咩特別comment．．．
返到屋企都係睇結婚DVD同超級巨星，可能今晚早食飯，又因為天氣凍，我地九點幾十點開始肚餓，跟住摷零食．．．突然有如發現新大陸，前幾日做節幫媽咪去超市買野時，太陽哥哥擒拿手好快掃左幾罐．．．忌廉湯呀！！！點解食左成包薯片同好多朱古力先醒起架！我地即刻如獲至寶一樣，估唔到買左新爐返黎，第一個竟然係太陽哥哥開爐！
煮得唔錯丫，太陽哥哥最叻煮公仔麵同忌廉湯架！
我就坐大班椅嘆世界～～其實拉張櫈坐咁前係因為先前敷緊mask，冇戴眼鏡有如盲人一樣，要坐到好近先睇到電視啫！
沒有留言:
張貼留言