2009-12-19 (Sat) Owl 諾諾．新衫

今日同諾諾見面飲茶，諾諾著左件皮褸仔，好有型呀！

諾諾又學人V～～

Owl 諾諾出場啦～～不過好難影呀，因為Owl 諾諾喪跑喪走，停唔到佢呀！

頭髮被冷帽笠到好貼，除左冷帽後表姐話好薯仔，我就覺得幾可愛丫！

諾諾今日仲唱歌比恩恩聽，仲將個音轉左做『恩』字咁唱，咁就係獨一無二既恩恩之歌啦！

表姐佢地走後，我同媽咪係青衣城行街，我又添置左一件新衫！

夜晚因為等人黎檢查電力整唔整到電磁爐，所以係屋企食飯，媽咪煮！飯後太陽哥哥努力寫聖誕咭，我就un un 腳睇碟，今晚煲碟之選 - 意外！