2009-12-02 (Wed) 池記晚飯

今晚原本約左朋友係青衣城食飯架，點知朋友臨時唔得閒，我又一心諗住係青衣城行街，所以都繼續去，不過係搵媽咪頂上陪我食飯！

媽咪只係食菜，大家都係想行街多過食飯，我地就簡單ｄ去左池記！

不過完全唔記得影相，影完先記得！得返呢ｄ咋．．．哈哈！其實我食左及第粥，媽咪就食左碟菜，就係咁簡單！

我講完唔記得影相，拎個相機出黎啦．．．媽咪已經笑定，佢諗住我幫佢影喎！哈哈～～媽咪宜家成日自動擺定甫士比人影相，成個諾諾咁！佢話去完旅行，到宜家心情仲好開心好高漲喎！

見佢咁開心，就幫佢係咁影啦．．．

之後我地行街，媽咪主攻鞋，不過未有收穫；我就睇下衫咁，最後係UNIQLO有收穫，亦係今晚唯一戰利品；係一條仿牛仔褲leggings，貼身窄腳，冬天著boots一流，只係$149，抵！

下半場等太陽哥哥係大圍返出黎，為節省時間，我出左葵芳等佢！我地都係行下catalouge、nike shop等衫鋪，再去埋實惠、日本城，屋企好多濕碎野要添置，但可能係台灣行得十蚊店多，原本有ｄ野想買最後都係放返低，因為醒起旺角有吉之島十蚊店，過幾日出去行仲抵！宜家連太陽哥哥都變左做慳家師奶呢！

臨返屋企前，太陽哥哥買左杯 Toffee Nut Latte比我飲，天氣凍凍地，飲完即刻暖笠笠！