媽咪呢幾日要食蛋白質餐，即係多ｄ肉，樓下茶餐廳既早餐唔岩，所以今日一起身，我就同佢出左葵芳A1食午餐！
媽咪食雞扒餐：
我食墨魚麵意粉：
跟住兩母女刺激經濟，媽咪買左對鞋：
我買左兩對可愛耳環：
仲係G & Angie買左兩件衫，其實少少貴架，但見幾靚，又貪唔會撞衫，就決定買啦；買時因為兩件再有折，就叫埋媽咪買埋佢試左但又唔係勁鐘意個件，見佢猶豫不決，我就話少少地當送比佢聖誕禮物啦！
我的：
媽媽的(黑色個邊其實縫晒閃石架, 都唔錯架, 仲係兩邊交錯既設計, 幾特別架!!)：
跟住我地返青衣城繼續行，去到又見到ｄ傻人打蛇餅都要排隊影Sanrio既聖誕裝飾！
我地就去左星巴克抖下，回下ｄ腳骨力，嘆返杯咖啡先～～
媽咪飲Latte，我就飲Toffee Nut Latte：
等左陣，太陽哥哥都收工黎到啦，我地先買飛睇風雲II，Citibank張咭呢期真係正爆呀，只要有當月一千蚊簽咭收據，就可享有當月嘉禾院線星期六日睇戲買一送一優惠！呢個優惠仲係出年成年都係呢，真係抵爆！
大家鐘意步驚雲定聶風多ｄ呢？
睇完戲又唔係點肚餓，就去左M記，因為我想試新出既蝦堡！
蝦堡唔錯，因為有我鐘意既千島醬，不過唔係咁夠醬，下次要多醬先得！新出既磨菇粟米湯都好好味，足料，好味過MOS Burger既湯呢！
太陽哥哥聽日要楂車，所以十二點就訓啦，我就自己煲碟，煲左套The proposal(求婚的惡魔)，我覺得好好睇，有笑有淚，讚！
沒有留言:
張貼留言